Esdras 5:14 - Labib An Kreol Seselwa

¹⁴ Bann lobze annor e annarzan ki ti dan tanp Bondye ki Naboukodonozor ti pran dan tanp Zerizalenm e ki i ti'n anmennen dan tanp Babilonn. Lerwa Siris ti repran tou sa ki ti dan tanp Babilonn, e konfye avek Sesbasar, ki lerwa ti apwente koman gouverner Zide.

Esdras 5:14 Referans Kwoze

Esdras 6:5

Anplis, bann lobze annor e annarzan ki ti dan tanp, ki Naboukodonozor ti pran dan tanp Zerizalenm e ki'n ganny anmenn Babilonn, tousala, ava ganny retournen e remet dan son plas dan tanp Bondye Zerizalenm.

Zeremi 52:19

Sef gard rwayal ti pran bann pti kivet, bol pour bril lansan, lakoup pour tenir disan ki servi pour sakrifis, resipyan pour anmas lasann, portlanp bann bol ki servi pour lansan, e bann bol ki servi pour lofrann diven. I ti pran tou bann lobze annor e annarzan.

Esdras 5:16

Alor, Sebazar ti vin poz fondasyon tanp Bondye ki Zerizalenm. Depi sa letan ziska ozordi travay in kontinyen, me i pa ankor konplete.

Akt de Zapot 13:12

Kan i ti war sa ki ti'n arive, gouverner ti krwar. Annefe, lansennyman konsernan Senyer ti'n enpresyonn li en kantite.

Agze 2:21

Koz avek Zorobabel, gouverner provens Zida, garson Sealtiel. Dir li: Mwan SENYER liniver, mon pou fer tranble lesyel ek later.

Agze 2:2

Koz avek Zorobabel garson Sealtiel, gouverner rezyon Zida, avek Gran-Pret Zozye, garson Yosadak, e avek leres lepep ki'n retournen e dir zot:

Agze 1:14

Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Esdras 7:27

Esdras ti dir, “Loue SENYER, Bondye nou bann zanset! I'n tous leker lerwa pour fer sa gran loner tanp SENYER ki Zerizalenm.

2 Kronik 36:18

I ti pran tou bann lobze dan tanp, gran koman pti, tou bann trezor dan tanp SENYER, trezor lerwa ek trezor son bann zofisye.

2 Kronik 36:7

Naboukodonozor ti osi pran en pe bann lobze sakre dan tanp SENYER ki i ti anmenn dan son pale Babilonn.

Esdras 5:15

I ti dir li: Pran sa bann lobze e al met zot dan tanp ki Zerizalenm, e ki tanp Bondye ava ganny rekonstri lo son menm lanplasman.