Egzod 33:10 - Labib An Kreol Seselwa

¹⁰ Pep Izrael ti war kolonn nyaz arete devan latant; alor, zot tou, zot ti lev debout e apre prosternen, sakenn devan lantre son latant.

Egzod 33:10 Referans Kwoze

1 Rwa 8:22

Apre, Salomon ti debout devan lotel SENYER. La, devan pep Izrael antye ki ti'n rasanble, i ti lev son lebra ver lesyel.

1 Rwa 8:14

Lerwa ti tournen e beni lasanble pep Izrael antye, ki ti'n reste debout.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Levanzil dapre Lik 18:13

Sa kolekter taks ti reste lwen deryer. I pa ti menm oze lev lizye pour get lesyel, me i ti tap son lestoma e dir: Mon Bondye! Pran pitye pour mwan ki en peser!

Egzod 13:21

SENYER ti al devan zot dan en kolonn nyaz pandan lazournen e dan en kolonn dife aswar, pour zot kapab kontinyen marse lizour koman aswar.

Egzod 33:9

Ler Moiz ti'n antre dan Latant Rankont, kolonn nyaz ti desann e aret devan lantre e SENYER ti koz avek Moiz.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.