Egzod 26:36 - Labib An Kreol Seselwa

³⁶ Ou ava fer pour lantre latant sakre en rido fer avek latwal linenn fen, melanze avek lalenn kouler ble, rouz kler e rouz fonse, ki ava en travay brodri.

Egzod 26:36 Referans Kwoze

Egzod 36:37

Zot ti fer en rido kouler ble, rouz kler e rouz fonse, avek latwal linenn fen, trese pour lantre latant. Sa travay ti ganny fer par bann brodez.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 10:9

Mwan menm laport; sa enn ki antre par mwan, pou ganny sove. I pou antre e sorti, e i pou trouv dekwa manze.

Psonm 78:60

I ti abandonn son demer Silo, landrwa kot i ti reste parmi bann imen.

2 Samyel 7:6

Mon pa'n reste dan en lakaz depi zour ki mon ti fer pep Izrael sorti dan Lezip ziska ozordi, me mon'n deplas mwan touzour anba en latant.

Nonm 9:15

Zour ki zot ti dres Latant SENYER, nyaz ti kouver Latant Temwannyaz. Aswar, i ti kouver Latant SENYER avek en lalimyer ziska bomaten.

Nonm 3:25

Travay bann Gersonit dan Latant Rankont SENYER, se pour okip Latant SENYER, son kouvertir, Rido devan lantre Latant Rankont SENYER,

Egzod 39:33

Zot ti anmenn sanktyer kot Moiz: Latant avek tou son bann akseswar: Krose, kad, treng, kolonn ek sipor;

Egzod 35:11

Sanktyer avek son latant ek son kouvertir, son bann zagraf, plan, travers, kolonn ek fondasyon;

Egzod 26:31

Ou ava fer en rido kouler ble, rouz vyolet, rouz kler e rouz fonse, e trese avek difil latwal linenn fen, brode avek bokou swen avek bann seriben ladan.

Egzod 27:16

Pour laport lakour, i ava annan en rido dis met longer, kouler rouz vyolet, rouz kler e rouz fonse, fer avek latwal linenn trese.

Egzod 28:39

Ou ava fer en rob avek latwal linenn fen; ou ava fer en tirban avek latwal linenn fen, osi en sentir, ki ava en travay brode.

Egzod 38:18

Rido laport lakour ti ganny brode par en artizan. I ti kouler ble, rouz e rouz fonse, fer avek latwal linenn fen, trese: Dis met longer lo de met larzer lo sak kote, e de met edmi oter, parey larzer bann rido lakour.

Egzod 39:29

sentir brode an linenn fen, trese, kouler ble, rouz, rouz fonse. Sa ti en louvraz brodri, parey SENYER ti'n ordonn Moiz.

Ezekyel 16:10

Mon ti met ou lenz brode, sandal an kwir, anvlop ou dan latwal linenn fen e kouver ou avek laswa.

Egzod 28:15

Ou ava fer en pektoral pour ziz-man. Sa i ava en travay fer par bann artizan. Ou ava fer li dan menm fason, parey lefod: Avek lor, latwal kouler ble, rouz kler e rouz fonse, avek difil fen, fer avek latwal linenn trese.

Egzod 35:15

lotel lansan avek son bann bar; delwil lonksyon, lansan aromatize; rido pour lantre Latant Rankont

Egzod 40:5

Ou ava met lotel annor pour lansan devan Kof Temwannyaz e ou ava plas rido devan lantre sanktyer.