Efezyen 4:3 - Labib An Kreol Seselwa

³ Fer tou pour prezerv linite ki Lespri i donnen par lape ki ini zot.

Efezyen 4:3 Referans Kwoze

1 Korentyen 1:10

Mon bann frer ek ser! Mon demann zot lo non Zezi-Kri nou Senyer: Met zot byen dakor ansanm; pa les okenn divizyon egziste parmi zot. Reste byen ini ansanm dan en menm mannyer panse e menm konviksyon.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Levanzil dapre Zan 13:34

Mon donn zot en komannman nouvo: Kontan kanmarad. Zot devre kontan kanmarad parey mwan mon'n kontan zot.

2 Korentyen 13:11

Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.

1 Tesalonisyen 5:13

Annan bokou respe ek lafeksyon pour zot, akoz travay ki zot pe fer. Viv byen anpe ant zot.

Efezyen 4:4

I annan en sel lekor ek en sel Lespri, parey ki i annan en sel lesperans ver lekel Bondye in apel zot.

Efezyen 4:13

Konmsa, ansanm nou pou kapab ariv dan linite nou lafwa e dan konnesans Garson Bondye; nou ava vin adilt, devlope pour vin parfe parey Kris.

Egzod 28:32

I ava annan en louvertir dan milye pour latet; i ava annan en lourle otour sa louvertir fer par en artizan, parey louvertir en lenz an kwir trese, pour anpes sa rob desire.

1 Rwa 16:21

Alor, pep Izrael ti'n ganny diviz an de parti; lanmwatye ti swiv Tibni, garson Ginat pour fer li vin lerwa, e lot lanmwatye ti swiv Omri.

Eklezyas 4:12

En zonm tousel i kapab ganny atake, me de dimoun i kapab reziste latak; pli en lakord avek trwa bren pa fasil kase.

Mark 3:24

Si en rwayonm i divize kont li menm, sa rwayonm pa pou kapab tenir debout.