Ebre 9:9 - Labib An Kreol Seselwa

⁹ Sa ti en senbol ki reprezant letan prezan: Savedir ki bann lofrann ek sakrifis zannimo pa ti kapab rann parfe leker sa adorater.

Ebre 9:9 Referans Kwoze

1 Pyer 3:21

Sa ti reprezant batenm, ki pa pirifye lekor, me ki en larepons ki nou fer Bondye avek en konsyans pir. I sov zot gras a rezireksyon Zezi-Kri

Ebre 5:1

Tou Gran-Pret i ganny swazir parmi bann zonm. I ganny etabli pour li servi Bondye dan zot faver. I prezant lofrann ek sakrifis pour bann pese.

Romen 5:14

Pourtan, depi Adan ziska Moiz, lanmor ti domin lo tou zonm, menm bann ki pa'n komet menm pese parey Adan ki ti dezobei lord Bondye.

Ebre 11:19

I ti mazinen dan li menm ki Bondye i menm annan sa pouvwar pour resisit en dimoun ki'n mor. Pour sa rezon, Abrahanm ti reganny son garson. Sa levennman i annan en valer senbolik.

Ebre 10:11

Tou pret i ranpli son servis tou le zour. Toultan, i prezant menm sakrifis ki pa zanmen kapab fer disparet pese.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Ebre 7:11

Dapre Lalwa pep Izrael, bann pret i devre ganny swazir parmi bann garson tribi Levi. Zot ti pret dapre lord Aaron. Me zot saserdos pa ti parfe, sinon, akfer annan en lot pret dapre lord Melkisedek? Sa pa ti pou neseser.

Galat 3:21

Eski sa i vedir ki Lalwa i kont promes Bondye? Sertennman non! Si Bondye ti'n donn en lalwa ki kapab prodwir vre lavi, alor dimoun ti ava ganny zistifye par sa lalwa.

Ebre 8:4

Si i ti lo later, i pa ti pou menm en pret, akoz lo later, i annan lezot pret ki prezant bann lofrann dapre Lalwa Moiz.