Ebre 7:26 - Labib An Kreol Seselwa

²⁶ Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

Ebre 7:26 Referans Kwoze

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Ebre 8:1

Aprezan, la pwen pli enportan lo sa ki nou pe dir: Nou annan en tel Gran-Pret, enn ki'n asiz lo kote drwat tronn Bondye Toupwisan dan lesyel.

1 Pyer 2:22

Kris pa'n zanmen fer okenn pese, e zanmen okenn mansonz in sorti dan son labous.

1 Zan 3:5

Annefe, zot konnen ki Zezi-Kri i'n vini pour fer disparet pese. Dan li napa okenn pese.

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Levanzil dapre Lik 23:47

En zofisye Romen ki ti war tou sa ki ti'n arive, ti loue Bondye. I ti dir, “Sa zonm ti vreman en zonm zis!”

Levanzil dapre Lik 23:41

Nou, nou merit nou kondannasyon; nou pe pey pour sa ki nou'n fer. Me sa zonm pa'n fer nanryen mal.”

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

Ebre 7:11

Dapre Lalwa pep Izrael, bann pret i devre ganny swazir parmi bann garson tribi Levi. Zot ti pret dapre lord Aaron. Me zot saserdos pa ti parfe, sinon, akfer annan en lot pret dapre lord Melkisedek? Sa pa ti pou neseser.

Ebre 2:10

Annefe, Bondye, pour ki e par ki tou keksoz i egziste, in rann Zezi parfe atraver son soufrans. Par son soufrans, Zezi in fer bokou son bann zanfan partisip dan son laglwar. Li menm ki'n sov zot.

Akt de Zapot 4:27

Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.

Akt de Zapot 3:14

Zot in renye sa enn ki sen e zis, e zot in prefere demann Pilat pour donn laliberte en kriminel.

Levanzil dapre Zan 14:30

Mon pa pou koz plis ki sa avek zot, akoz sa enn ki gouvern lemonn pe vini. I napa okenn pouvwar lo mwan.

Levanzil dapre Zan 8:29

Mon Papa ki'n anvoy mwan, i avek mwan. I pa'n les mwan tousel, akoz mon touzour fer sa ki fer li plezir.”

Levanzil dapre Lik 24:46

I ti dir zot, “Parey in ganny ekri: Mesi pou soufer, e resisite trwazyenm zour.

Levanzil dapre Lik 24:26

Pa i ti neseser ki Mesi i soufer tousala, avan ki i antre dan son laglwar?”

Levanzil dapre Lik 23:22

Pilat ti demann zot en trwazyenm fwa, “Me ki mal sa zonm i'n fer? Mon pa trouv nanryen mal ki i'n fer pour merit lanmor. Alor, mon ava fer fwet li, apre mon ava larg li.”

Levanzil dapre Lik 1:35

Lanz ti reponn li, “Lespri Sen pou desann lo ou. Bondye pou kouver ou avek son pwisans parey en lonbraz. Pour sa rezon, sa zanfan ki pou ne pou konsakre pour Bondye. I pou apel Garson Bondye.

Mark 16:19

Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye.

Matye 27:18

Annefe, Pilat ti konnen ki lotorite Zwif ti'n livre Zezi dan son lanmen par zalouzi.

Ezai 53:9

Zot ti fer son latonm parmi bann malfeter. Son tonbo ti parmi bann dimoun ris. Pourtan, i pa ti'n komet okenn vyolans; okenn mansonz pa'n sorti dan son labous.

Psonm 68:18

SENYER Bondye! Ou'n mont lao. Ou'n anmenn bann prizonnyen avek ou. Bann pep in ofer ou kado, menm bann ki rebel kont ou.

Egzod 28:36

Ou ava fer en fler annor pir e ou ava grav lo la parey lo en bag: Konsa-kre pour SENYER.

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Nonm 29:26

Senkyenm zour, zot ava ofer nef zenn toro, de mouton mal adilt ek 14 zenn mouton mal, enn an, zot tou san defo.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 3:1

Alor, mon bann frer ek ser ki sen e ki Bondye in apele! Fikse zot latansyon lo Zezi. I'n ganny anvoye koman zapot e Gran-Pret sa lafwa ki nou pe proklanmen.

Ezekyel 44:27

Zour ki i antre dan tanp, dan lakour enteryer pour servis dan tanp, i ava ofer son sakrifis pour pardon son pese. Senyer BONDYE ki'n deklare.