Ebre 7:14 - Labib An Kreol Seselwa

¹⁴ Nou tou nou konnen ki nou Senyer ti sorti dan tribi Zida, e Moiz pa'n mansyonn nanryen lo sa tribi kan i ti koz lo bann pret.

Ebre 7:14 Referans Kwoze

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Ezai 11:1

En bourzon ava sorti dan tron Zese, en brans ava sorti dan son rasin.

Revelasyon 5:5

Alor, enn parmi bann ansyen ti dir mwan: Pa plere! La Lyon Tribi Zida, desandan David. In ganny laviktwar pour kas sa set sele e ouver sa liv.

Levanzil dapre Lik 3:33

garson Aminadab, garson Admin, garson Arni, garson Hesronn, garson Fares, garson Zida,

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.

Romen 1:3

Sa i konsern son Garson Zezi-Kri, nou Senyer. Koman en zonm, i ti desandan lerwa David.

Efezyen 1:3

Nou loue Bondye, Papa nou Senyer Zezi-Kri. Ini avek Kris, i'n beni nou par akord nou toudsort benediksyon spirityel dan lesyel.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

Romen 2:3

Eski ou krwar ou pou sap zizman Bondye, ou ki ziz lezot, pour bann aksyon ki ou menm ou pe fer?

Levanzil dapre Zan 20:28

Toma ti reponn li, “Mon Senyer e mon Bondye!”

Levanzil dapre Zan 20:13

Zot ti demann li, “Fanm! Akoz ou pe plere?” I ti reponn, “Zot in pran mon Senyer e mon pa konnen kote zot in met li.”

Levanzil dapre Lik 1:43

Ki mon ete pour ki manman mon Senyer i vin kot mwan?

Nonm 24:17

Mon war dan lavenir, mon gete, me ankor dan lwen. En zetwal pou sorti dan Zakob, en lerwa pou leve sorti dan Izrael. I pou tap Moab dan son latanp, e kraz latet bann desandan Set.

Zenez 46:12

Bann garson Zida: Er, Onann, Sela, Peres, ek Zera. Er ek Onann ti mor dan pei Kanaan. Bann garson Peres ti Hesronn ek Hamoul.

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

Matye 2:6

Ou Betlehenm, dan later Zida! Ou sertennman pa mwen enportan parmi bann lavil dan Zida. Annefe, kot ou, pou sorti en sef ki pou vin berze Izrael, mon pep.”

Ebre 7:13

Sa enn anver ki sa bann parol i aplike, i sorti dan en tribi kot personn pa'n deza servi devan lotel.

Ebre 7:15

Sa i vin pli kler ankor kan en lot pret parey Melkisedek i aparet.