Deterononm 9:3 - Labib An Kreol Seselwa

³ Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Deterononm 9:3 Referans Kwoze

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Ebre 12:29

Annefe, nou Bondye i en dife ki devor tou.

Romen 8:31

Ki nou kapab dir ankor? Si Bondye i pour nou, lekel ki pou kapab kont nou?

Deterononm 20:4

akoz SENYER, zot Bondye i avek zot pour konbat bann lennmi e donn zot laviktwar.

Zozye 3:11

Annefe, Kof Lalyans SENYER later antye pou travers larivyer Zourden devan zot.

Mise 2:13

Sa enn ki ouver en pasaz pou sorti devan. Zot pou ouver en pasaz, pas par laport e sorti. Zot lerwa i mars devan zot. SENYER i gid zot.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Zozye 3:14

Ler lepep ti kit zot latant pou travers larivyer Zourden, bann pret ki ti anmenn Kof lalyans ti mars devan lepep.

Efezyen 5:17

Pour sa rezon, pa bezwen viv koman bann fou, me fer tou zot posib pour zot konpran koman Senyer i oule zot azir.

Mark 7:14

Apre, Zezi ti apel lafoul ankor kot li. I ti dir zot, “Ekout mwan zot tou e konpran:

Matye 15:10

Apre, Zezi ti apel lafoul kot li. I ti dir zot: “Ekoute e zot ava konpran:

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezai 30:27

Gete! La SENYER pe vini. I sorti lwen. Son lakoler i en dife ki'n alimen; en gro lafimen ki monte. Son lalev i deborde avek lakoler e son lalang i parey en dife ki devor tou.

Ezai 27:4

Mon nepli pran lakoler kont li. Me si i vin bann zarbis ki annan pikan, mon pou lager kont zot e mon pou bril zot,

Deterononm 9:6

Konpran byen alor, ki SENYER, ou Bondye pa pe al donn ou sa bon pei pour ou pran posesyon akoz ou zis. Annefe, ou en pep rebel.

Deterononm 7:16

Ou pou detri tou bann pep ki SENYER, ou Bondye pe livre dan ou lanmen. Ou pa pou montre okenn pitye pour zot. Ou pa pou servi zot bann bondye, akoz sa i riske vin en pyez pour ou.

Egzod 24:17

Devan lizye pep Izrael, laglwar prezans SENYER lo latet montanny ti parey en dife ki devor sa ki devan li.

Ziz 4:14

Debora ti dir Barak, “Leve! Ozordi SENYER in livre Sisera dan ou lanmen. Vreman! SENYER pe mars devan ou.” Barak ti desann depi montanny Tabor avek 10,000 zonm deryer li.

Egzod 23:23

Mon lanz ava mars devan ou e i ava anmenn ou kot bann Amorit, bann Hitit, bann Perizit, bann Kananeen, bann Hivit ek bann Zebizit, e mon pou fer sa bann pep disparet.

Deterononm 7:22

Tou dousman, SENYER, ou Bondye ava sas sa bann nasyon devan ou. Ou pa pou kapab detri zot toudswit, sinon i ava annan tro bokou zannimo sovaz ki ava atak ou.

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.

Zozye 11:8

SENYER ti livre zot dan lanmen bann Izraelit ki ti atak zot e pourswiv zot ziska gran lavil Sidon, ziska Misrefot-Maim, e ziska vale Mispe dan Les. I ti bat zot san les okenn sirvivan.

Zozye 11:12

Zozye ti kaptir tou bann lavil ek zot bann lerwa; I ti masakre zot bann lerwa e detri tou, parey Moiz, serviter SENYER ti'n ordonnen.

Zozye 14:12

Pour sa rezon, donn mwan sa pei montanny ki SENYER ti koz lo la sa zour. Annefe, ou ti tande depi sa letan, ki ti annan bann zean, avek zot bann gran lavil fortifye. Si SENYER i avek mwan, mon ava sas zot parey SENYER ti anonse.”