Deterononm 8:5 - Labib An Kreol Seselwa

⁵ Rekonnet alor dan ou leker, ki, parey en paran i disiplin son zanfan, SENYER, ou Bondye i disiplin ou.

Deterononm 8:5 Referans Kwoze

Revelasyon 3:19

Mon koriz e mon pini tou sa bann ki mon kontan. Montre bokou devouman, e sanz ou konportman.

Proverb 3:12

Annefe, SENYER i koriz sa enn ki i kontan, parey en papa i fer anver son zanfan ki i prefere.

2 Samyel 7:14

Mon pou vin son papa, i ava vin mon garson. Si i fer fot, mon pou koriz li avek en baton ki zonm i servi, avek kou ki zonm i donnen.

1 Korentyen 11:32

Me Senyer i koriz nou, i ziz nou pour ki nou pa ganny kondannen ansanm avek lemonn.

Psonm 94:12

I byennere sa enn ki ou korize SENYER e ki ou ansenny ou lalwa.

Ezekyel 18:28

Akoz i'n rann kont e i'n deside abandonn son move lavi, sirman i ava viv, i pa pou mor.

Psonm 89:32

alor, mon ava pini zot avek en roten e mon ava fwet zot pour zot bann fot.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Ezekyel 12:3

Ou ki en imen, prepar ou bagaz koman en egzile. Al annegzil letan i ankor lizour pour dimoun war ou. Sorti kot ou reste, al annegzil dan en lot landrwa, devan zot lizye; petet zot ava konpran, menm si zot en pep rebel.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Deterononm 8:6

Alor, obzerv bann komannman SENYER, ou Bondye. Mars parey i oule e dan respe anver li.

Proverb 13:24

En papa ki refize koriz son garson pa kontan li. Me paran ki kontan son zanfan, pa ezite koriz li.

Eklezyas 7:14

Dan zour prosperite, profit ou boner, e dan letan difisil, reflesi: Bondye in fer enn egzakteman parey lot de sort ki zonm pa dekouver son lavenir.

Deterononm 1:31

Dan dezer osi, ou ti war ki mannyer SENYER, ou Bondye ti soutenir ou, parey ler en papa i pran son zanfan dan lebra, tou dilon zot vwayaz, ziska ki zot in ariv isi.

Proverb 3:11

Mon garson! Pa rezet bann konsey SENYER, ni mepriz son bann lavertisman.