Deterononm 8:3 - Labib An Kreol Seselwa

³ In imilye ou; in fer ou konn lafen pour li apre nouri ou avek lamann ki ni ou, ni ou bann zanset pa ti konnen. I ti fer sa pour ou konpran ki zonm pa viv zis lo dipen, me lo tou parol ki sorti dan labous SENYER.

Deterononm 8:3 Referans Kwoze

Matye 4:4

Me Zezi ti reponn li, “Lekritir i deklare: Zonm pa pou viv zis lo dipen, me lo tou parol ki sorti dan labous Bondye.”

Levanzil dapre Lik 4:4

Zezi ti reponn li, “Lekritir i deklare: Zonm pa pou viv zis lo dipen.”

1 Korentyen 10:3

Zot tou, zot ti manz menm nouritir spirityel;

Psonm 37:3

Met ou konfyans dan SENYER e fer sa ki byen. Alor, ou ava viv anpe e an sekirite dan sa pei.

Psonm 105:40

Zot ti demann manze, e zot ti ganny zwazo; manze sorti dan lesyel ti annabondans.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Deterononm 29:6

Zot pa'n manz dipen, zot pa'n bwar diven ni okenn labwason for, pour ki zot konnen ki mwan menm SENYER, zot Bondye.

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

Deterononm 29:5

Pandan 40 an, mon'n kondwir zot dan dezer. Lenz ki ti lo zot pa'n ize e sandal dan zot lipye pa'n ize.