Deterononm 5:4 - Labib An Kreol Seselwa

⁴ SENYER ti koz avek zot fas a fas lo montanny, dan milye dife.

Deterononm 5:4 Referans Kwoze

Deterononm 34:10

Zanmen en lot profet parey Moiz in leve dan Izrael. SENYER ti koz avek li fas a fas.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Deterononm 4:33

Eski en pep in deza antann lavwa Bondye dan milye dife, parey ou ti tande e reste vivan?

Egzod 19:9

SENYER ti dir Moiz, “Mon pe vin kot zot dan en nyaz epe, pour ki lepep ava kapab ekoute kan mon koz avek ou e pour ki zot ava krwar ou pour touzour.” Moiz ti dir SENYER tou sa ki lepep ti'n dir li.

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Nonm 14:14

Zot in rakont avek zabitan sa pei; sa bann dimoun in tande ki ou SENYER, ou parmi ou pep, ki ou SENYER ou aparet fas a fas. Ou dan nyaz par lao latant. Ou diriz zot dan en kolonn nyaz lizour e dan en kolonn dife aswar.

Nonm 12:8

Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Egzod 20:1

La bann parol ki Bondye ti dir avek pep Izrael:

Deterononm 4:12

Dan milye sa dife, SENYER ti koz avek zot. Zot ti antann son bann parol, me zot pa ti war okenn laform. Zot ti antann zis en lavwa.

Deterononm 4:15

Sirtou, fer byen atansyon lo zot menm: Zour ki SENYER ti koz avek zot lo montanny Horeb dan milye dife, zot pa ti war son laform.

Deterononm 5:22

Sa i bann parol ki SENYER ti prononse avek en lavwa pwisan, devan tou sa bann ki ti'n rasanble lo montanny, dan milye dife, lafimen, e dan gro fernwanr. I pa ti azout nanryen. I ti ekri sa bann parol lo de plak ros ki i ti donn mwan.