Deterononm 32:1 - Labib An Kreol Seselwa

¹ Lesyel! Ekout sa ki mon pe al dir. Later! Ekout byen parol ki sorti dan mon labous.

Deterononm 32:1 Referans Kwoze

Ezai 1:2

Lesyel ekoute! Later tande! SENYER ki koze: Mon'n elve zanfan, mon'n fer zot grandi, me zot in revolte kont mwan.

Deterononm 4:26

ozordi, mon pran lesyel ek later pour temwen kont zot: Zot pou toudswit disparet dan sa pei ki zot pe al pran posesyon ler zot ava'n travers larivyer Zourden.

Zeremi 22:29

O mon pei! Mon pei! Mon pei! Ekout parol SENYER.

Psonm 49:1

Tou bann pep, ekoute! Tou bann zabitan later, port atansyon!

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Psonm 50:4

I kriy ver lesyel lao e ver later pou ziz son pep:

Deterononm 31:28

Rasanble devan mwan tou bann ansyen dan zot tribi ek zot bann sef, pour ki mon dir sa bann parol devan zot e mon pran lesyel ek later koman temwen kont zot.

Deterononm 30:19

Ozordi, mon pran lesyel ek later koman temwen kont ou: La mon met devan ou lavi ek lanmor, benediksyon ek malediksyon. Swazir lavi, pour ki ou viv, ou, avek ou bann desandan.

Zeremi 2:12

Lesyel i boulverse, soke. I tranble, devan sa sityasyon orib, i reste paralize. SENYER ki deklare.

Deterononm 31:30

Alor, Moiz ti repet bann parol sa kantik antye, devan tou lasanble bann Izraelit pour zot tande.

Ezai 34:1

Aprose bann nasyon! Vin ekoute! Bann pep! Port atansyon! Later avek tou son konteni! Ekoute! Lemonn avek tou sa ki i prodwi! Ekoute!

Deterononm 31:19

Aprezan alor, ekri sa kantik ki bann Izraelit ava aprann parker. Met son bann parol dan zot labous pour ki i vin en temwen kont bann Izraelit.