Deterononm 28:54 - Labib An Kreol Seselwa

⁵⁴ Menm sa zonm ki pli delika e sansib parmi zot, pou mefye son prop frer, son fanm ki i'n ser dan son lebra, menm son bann zanfan ki reste.

Deterononm 28:54 Referans Kwoze

Matye 20:15

Eski mon napa drwa fer sa ki mon oule avek mon prop larzan? Oubyen, eski ou zalou, akoz mon bon?”

Deterononm 15:9

Fer atansyon ou pa gard dan ou leker bann move panse an dizan: Setyenm lannen, lannen pour efas bann det pe aprose. Pa get avek en move lizye ou prosen ki dan bezwen e refize donn li keksoz. Ou vwazen ava kriy ver SENYER kont ou e ou ava'n fer en pese.

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Mise 7:5

Pa bezwen fye lo ou zanmi, pa fer konfyans ou bann pros. Pa ouver ou labous avek sa fanm ki dormi dan ou lebra.

Ezai 49:15

Eski en fanm i kapab oubliy son pti baba ki i pe donn tete? Pa i annan konpasyon pour sa zanfan ki i'n donn nesans? Menm si i oubliy li, mwan mon pa pou oubliy ou.

Proverb 28:22

En dimoun avar i prese pour li vin ris; i pa konnen ki lanmizer pour tap li.

Proverb 23:6

Pa manz dipen sa enn ki avar; pa anvi son bann bon pla.

Psonm 103:13

Parey en papa i annan konpasyon pour son bann zanfan, SENYER i annan konpasyon pour sa enn ki obei li.

2 Samyel 12:3

Sa zonm pov ti annan zis en pti mouton ki i ti'n aste. I ti sonny li, e in grandi se li ansanm avek son bann zanfan. I ti manz avek li, bwar dan son lakoup, dormi obor li. I ti koman en fiy pour li.

Matye 11:8

Alor, ki zot ti al war? En zonm abiye dan zoli lenz? Me dimoun ki abiye dan zoli lenz i reste dan bann pale.

Deterononm 28:53

Pandan sa letan ki ou'n ganny anserkle, e dan sa leta detres ki lennmi pou met ou ladan, ou pou manz ou prop zanfan, laser ou bann garson ek ou bann fiy ki SENYER, ou Bondye in donn ou.

Deterononm 28:55

I pa pour partaz avek zot, laser son bann garson ki i pe manze, akoz dan sa leta detres kot son lennmi in met li dan tou bann lavil, pa reste li nanryen pour manze.