Deterononm 26:7 - Labib An Kreol Seselwa

⁷ Alor nou ti kriy ver SENYER, Bondye nou bann zanset. SENYER ti antann nou lavwa; i ti war nou lafliksyon, nou lapenn ek nou lanmizer.

Deterononm 26:7 Referans Kwoze

Egzod 2:23

Lontan apre, lerwa Lezip ti mor. Bann Izraelit ti kontinyen plennyen anba lesklavaz. Zot bann plent dan zot leta lesklavaz ti mont ver Bondye.

Egzod 3:9

Aprezan, leokri bann Izraelit in ariv ziska kot mwan e mon'n war ki mannyer bann Ezipsyen pe fer zot soufer.

Zeremi 33:2

La sa ki SENYER ki'n kree later, ki'n donn li son laform e ki'n met li dan son plas, li menm ki son non i SENYER, i deklare:

Psonm 119:132

Get mwan e pran pitye pour mwan, parey ou abitye fer pour sa bann ki kontan ou non.

Psonm 50:15

Apel mwan zour ou dan maler; mon ava delivre ou e ou ava sant mon laglwar.

1 Samyel 9:16

Demen, apepre menm ler, mon pou anvoy en zonm dan tribi Benzamen kot ou. Ou ava vers delwil lo li pour konsakre li, koman sef mon pep, Izrael. I pou delivre mon pep anba pouvwar bann Filisten. Mon'n war soufrans mon pep, e zot plent in ariv ziska kot mwan.

Egzod 6:5

Mon'n antann konplent pep Izrael ki anba lesklavaz bann Ezipsyen e mon'n rapel mon lalyans.

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

2 Samyel 16:12

Petet ki SENYER ava pran pitye mon miser, e i ava fer mwan dibyen an retour sa bann malediksyon ki i pa prononse ozordi.”

Zenez 21:17

Bondye ti antann sa garson plere e depi lesyel, lanz Bondye ti apel Agar. I ti dir li, “Ki ou gannyen Agar? Pa bezwen per, Bondye in antann lavwa sa garson kot i ete.

Zenez 29:32

Lea ti ansent e donn nesans en garson ki i ti apel Riben, savedir gete, i en garson. I ti dir, “SENYER in war mon soufrans. Aprezan, mon mari pou kontan mwan.”

Egzod 2:25

Bondye ti regard bann Izraelit e i ti konpran.

Psonm 31:8

Ou pa'n livre mwan dan lanmen mon lennmi. Ou'n rann mwan lib.