Deterononm 21:16 - Labib An Kreol Seselwa

¹⁶ Alor, zour i deside partaz son posesyon, i pou napa drwa donn par premye ne sa fanm ki i kontan, par preferans pour garson sa fanm ki i pa kontan, akoz sa garson ki premye ne.

Deterononm 21:16 Referans Kwoze

1 Kronik 26:10

Hosa, dan fanmir Merari, ti annan plizyer garson: Premye Simri, menm si i pa ti premye garson, son papa ti etabli li sef.

1 Kronik 5:2

Menm si Zida ti enportan parmi son bann frer e ki dan son desandans in sorti en sef, se Zozef ki ti'n ganny drwa lene garson.

Filipyen 4:8

Finalman, mon bann frer ek ser! Mon konsey zot, atas zot avek tou sa ki bon e ki merit ganny loue: Tou sa ki vre, respektab, zis, pir, agreab e onorab.

Romen 8:29

Annefe, tou bann ki Bondye in swazir davans, in osi deside davans pour rann zot parey son Garson. Konmsa, son Garson i vin lene parmi en kantite frer.

2 Kronik 21:3

Zot papa, Zozafat, ti'n donn zot bann gro kado: Lobze annarzan, lobze annor ek lezot lobze valer. I ti osi donn zot bann lavil fortifye dan Zida, me i ti swazir Yoranm pour ranplas li koman lerwa, akoz i ti son premye garson.

Zenez 25:31

Zakob ti dir, “Dabor, vann mwan ou drwa lene garson.”

Deterononm 21:15

Sipoze en zonm i annan de fanm, i kontan enn, me i pa kontan lot. Si son premye garson i avek sa fanm ki i pa kontan.

Deterononm 21:17

I ava bezwen rekonnet sa garson ki i ti ganny avek sa fanm ki i pa kontan. Koman son premye ne, sa garson ava bezwen ganny doub par dan tou sa ki i posede. Annefe, sa garson i premye ne son virilite; li garson premye ne ki annan sa drwa.