Deterononm 17:11 - Labib An Kreol Seselwa

¹¹ Ou ava azir dapre lenterpretasyon lalwa ki zot in donn ou, oubyen dapre zizman ki zot in prononse. Ou pa pou al ni agos ni adrwat avek desizyon ki zot in prononse.

Deterononm 17:11 Referans Kwoze

Zozye 1:7

Reste for e pran kouraz. Fer sir ou obei tou bann lalwa ki mon serviter Moiz ti ordonn ou. Pa tourn ni adrwat, ni agos, e ou ava reisi partou kot ou ava ale.

Let Zid 1:8

Sa bann zonm pe konport zot dan menm fason: Zot swiv zot bann move manni; zot fer pese e sali zot prop lekor. Zot mepriz lotorite Bondye e ensilte bann kreatir ki viv dan laglwar lesyel.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

Let Pol pour bann Tit 3:1

Rapel zot tou, ki zot bezwen soumet zot avek bann dirizan ek bann lotorite e obei zot; ki zot devre touzour pare pour fer tou sa ki byen.

Proverb 4:27

Pa detourn ni adrwat ni agos; elwanny ou lipye devan sa ki mal.

2 Samyel 14:19

Lerwa ti demann li, “Pa Zoab ki'n aranz tousala avek ou?” Sa fanm ti reponn, “Osi vre ki ou vivan, mon rwa, mon pa kapab kasyet nanryen avek ou. Annefe, i vre ki Zoab, ou serviter, ki'n donn mwan bann lord, e ki'n met parol dan mon labous.

Zozye 23:6

Met tou zefor pour obzerve e met an pratik tou sa ki'n ekri dan Liv Lalwa Moiz, san ekarte ni adrwat, ni agos.

Deterononm 28:14

san devye ni adrwat, ni agos, lo tou bann komannman ki mon pe ordonn ou ozordi, pour ou swiv e servi lezot bondye.

Deterononm 25:1

Si de dimoun i al devan tribinal, pour rezoud en dispit, ziz ava deside lekel ki inosan, lekel ki koupab.

Deterononm 17:20

Konmsa, i pa ava arogan devan bann manm son kominote, ni pas akote lalwa, ni adrwat, ni agos. Konmsa osi, son bann desandan ava rennyen pandan lontan lo rwayonm Izrael.

Deterononm 5:32

Alor! Fer atansyon e met an pratik sa ki SENYER, zot Bondye in ordonn zot. Zot pa pou al ni agos, ni adrwat.

Levitik 10:11

e ansenny pep Izrael tou bann regleman ki SENYER in donn zot par lentermedyer Moiz.”

Deterononm 17:10

Ou ava egzekit zizman ki zot in prononse dan landrwa kot SENYER, ou Bondye ava swazir. Ou ava azir egzakteman dapre lenstriksyon ki zot in donn ou.