Danyel 8:9 - Labib An Kreol Seselwa

⁹ Dan enn son korn, en lot pti korn ti pouse. I ti grandi ver Sid, ver Les e ver sa pli zoli pei.

Danyel 8:9 Referans Kwoze

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Ezekyel 20:15

Mon ti osi fer en serman avek zot dan dezer, pour pa pou anmenn zot dan sa pei ki mon ti'n donn zot, sa pli merveye pei kot i annan dile ek dimyel annabondans.

Ezekyel 20:6

Sa zour, mon ti fer en promes solannel, ki mon pou tir zot dan sa pei Lezip e anmenn zot dan sa pei pli merveye ki mon'n swazir pour zot, kot i annan dile ek dimyel annabondans.

Psonm 48:2

Montanny Siyon, lavil gran lerwa dan Nor, i en lavil elegan. I fer lazwa lo later antye.

Zakari 7:14

Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Danyel 11:21

I pou ganny ranplase par en move zonm, san okenn pouvwar rwayal; i pou ariv trankilman, e i pou akapar rwayonm par bann mwayen malonnet.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Psonm 105:24

SENYER ti miltipliy son pep e fer li vin pli for ki son bann lennmi.