Danyel 7:16 - Labib An Kreol Seselwa

¹⁶ Mon ti apros enn sa bann personnaz ki ti la, e demann li en leksplikasyon sa bann vizyon. I ti donn mwan lenterpretasyon:

Danyel 7:16 Referans Kwoze

Revelasyon 5:5

Alor, enn parmi bann ansyen ti dir mwan: Pa plere! La Lyon Tribi Zida, desandan David. In ganny laviktwar pour kas sa set sele e ouver sa liv.

Zakari 2:3

Alor, lanz ki ti koz avek mwan ti avans ver en lot lanz ki ti'n osi vin rankontre li.

Danyel 7:10

En larivyer dife ti sorti e koule devan li. Plizyer milyon dimoun ti servi li, e plizyer milyar ti debout devan li. Bann ziz ti pran zot plas, e bann liv ti ganny ouver.

Zakari 3:7

La sa ki SENYER liniver i deklare: Si ou swiv mon semen e gard mon komannman, ou pou gouvern mon tanp e pran ansarz bann lakour mon tanp. Mon pou met ou lo menm ran avek sa bann ki la pe debout.

Danyel 9:22

I ti dir mwan: Danyel, la mon'n vini pour donn ou lasazes ek disernman.

Danyel 7:17

Sa kat gro bebet, i kat lerwa ki pou leve lo later.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Zakari 1:19

Mon ti demann sa lanz ki ti'n koz avek mwan, “Ki savedir sa bann korn?” I ti reponn mwan, “Sa bann korn i reprezant bann nasyon pwisan ki ti dispers Zida, Izrael ek Zerizalenm.”