Danyel 12:4 - Labib An Kreol Seselwa

⁴ Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 12:4 Referans Kwoze

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Revelasyon 22:10

I ti azoute: Pa gard sekre parol profesi ki dan sa liv, akoz letan pour tousala arive i pros.

Danyel 8:26

Sa vizyon ki konsern bann swar ek maten, i serten. Me ou, gard sa vizyon sekre, akoz i konsern en lepok lwen dan lavenir.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Revelasyon 10:4

Kan sa set loraz ti'n fini fer tande zot lavwa, mon ti pe al ekri. Me mon ti antann en lot lavwa sorti dan lesyel ki ti dir mwan: Gard sekre mesaz sa set loraz; pa bezwen ekri.

Danyel 12:13

Me ou, kontiny ou semen ziska lafen. Ou ava pran ou repo e ou ava leve pour resevwar ou rekonpans dan letan lafen.”

Ezai 32:3

Lizye dimoun ki war kler pou nepli fermen; zorey dimoun ki tande pou reste ouver.

Ezai 8:16

Gard sa temwannyaz. Sel son parol parmi mon bann disip.

Matye 24:14

Sa Bonn Nouvel Rwayonm pou ganny anonse partou dan lemonn, pour ki tou dimoun i tande. Apre sa, lafen pou arive.”

Ezai 11:9

Pou nepli annan nanryen ki fer dimal lo mon montanny sen; parey delo sale i ranpli losean, konnesans SENYER pou ranpli later.

Danyel 11:40

Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Danyel 11:33

Bann parmi lepep ki annan disernman, pou enstri bokou dimoun. Me pandan en pe letan, i annan ki pou tonbe: Serten pou mor par lepe, serten pou ganny brile dan laflanm, serten pou soufer dan prizon e zot byen pou ganny konfiske.

Romen 10:18

Alor, mon demande: Eski bann Zwif pa'n antann sa nouvel? Mon dir, wi zot in tande. Lekritir i deklare: Zot lavwa in rezonnen lo later antye, e zot parol in fer letour lemonn.

Danyel 10:1

Dan trwazyenm lannen Siris, lerwa Lapers, en mesaz ti ganny revele avek Danyel, ki zot ti osi apel Beltasar. Sa mesaz ti vre! Pou annan en gran konba. Danyel ti resevwar sa mesaz e i ti konpran sa vizyon.

Ezai 30:26

Sa zour SENYER pou met pansman lo blesir son pep, e geri son boubou. Lalin pou briye parey soley e lalimyer soley pou set fwa pli for, konmsi lalimyer pour set zour.

Revelasyon 5:1

Apre sa, mon ti war dan lanmen drwat sa enn ki ti pe asiz lo tronn, en liv dan laform en roulo ki ti'n ekri anndan deor e kaste avek set sele.

Ezai 29:11

Pour ou, bann vizyon pou parey en dokiman ki'n sele. Si ou donn dimoun ki konn lir, e ou dir li: Lir sa! I pou dir i pa kapab, akoz sa dokiman in sele.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Danyel 10:14

Aprezan, mon'n vini pour fer ou konpran sa ki pou arive avek ou pep dan lavenir, akoz i annan ankor en vizyon pour sa bann zour.

Danyel 10:21

Me, mon bezwen anons ou sa ki'n ganny ekri dan liv Laverite.” Napa personn pour ed mwan kont zot, eksepte Mikael, sef lanz.

Danyel 12:5

Apre, mwan, Danyel, mon ti war de lezot zonm ki ti pe debout lo bor larivyer; enn ti lo en kote e lot, ti lo lot kote.

Danyel 8:19

Apre, i ti dir mwan: Ekoute, mon ava fer ou konnen sa ki pou arive kan lakoler Bondye pou fini, letan ki i'n fikse pour lafen.