Danyel 11:4 - Labib An Kreol Seselwa

⁴ Letan in byen etabli li, son rwayonm pou ganny kase e divize ver kat kwen later; me pa son bann garson ki pou vin lerwa. Zot pa pou pwisan parey li. Son rwayonm pou ganny derasinen e ganny pase avek en lot.

Danyel 11:4 Referans Kwoze

Danyel 8:22

Sa kat korn ki ti pouse dan plas sa korn kase, i kat rwayonm ki pou ganny etabli parmi sa nasyon, me zot pou napa lafors sa enn avan.

Danyel 8:8

Sa bouk ti vin tre gran. Me, letan i ti'n vin vreman for, son gran korn ti kase. Kat korn remarkab ti pouse dan son plas, dan direksyon kat divan.

Zeremi 12:17

Me si zot pa oule obei mwan, alor mon pou derasin zot definitivman e detri zot totalman, SENYER i deklare.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Danyel 7:2

Mwan, Danyel, dan mon vizyon, dan lannwit, mon ti war sa kat divan dan lesyel pe azit sa gran lanmer.

Zeremi 18:7

Parfwa kan mon pe koz lo en nasyon oubyen en rwayonm, mon dir ki mon pou arase, ranverse, detri.

Zeremi 12:15

Me apre ki mon'n derasin zot, mon pou pran pitye ankor pour zot tou. Mon pou retourn avek zot dan zot pei, sakenn dan son teritwar.

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Matye 12:25

Zezi ti konnen ki zot ti pe mazinen. I ti dir zot, “Tou rwayonm divize kont li menm pou fini par ganny detri. Tou lavil, tou fanmir ki divize dan li menm pa kapab egziste.

Danyel 7:6

Apre sa, mon ti war en trwazyenm bebet. I ti parey en leopar ki ti annan kat lezel zwazo lo son ledo, ek kat latet. I ti resevwar pouvwar pour domin lemonn.

Zeremi 45:4

La sa ki ou ava dir li: Mon pe al demoli sa ki mon ti'n konstri; mon pe al derasin sa ki mon ti'n plante partou dan pei.

Zeremi 31:40

Sa vale antye kot bann dimoun mor i ganny antere e kot salte i ganny zete, tou bann propriyete ki sitye par lao pti larivyer Sedron ziska laport Seval ver Les, pour ganny konsakre pour SENYER. Nanryen pa pou ganny arase oubyen detri dan sa lavil.

Eklezyas 4:8

En zonm i tousel; i napa ni zanfan, ni frer, me i travay san pozman. Son lizye pa zanmen fatige war larises. Alor, pour ki i pe travay e pe priv son lekor? Sa i vanite e en move sityasyon pour viv ladan.

Psonm 39:6

I ale vini, parey en lonbraz; i fatig li en kantite; me sa i zis divan. I akimil larises san konnen lekel ki pou profite.

Revelasyon 7:1

Apre sa, mon ti war kat lanz pe debout dan kat kwen later. Zot ti pe tenir sa kat divan, pour ki okenn pa soufle, ni lo later, ni lo lanmer, ni lo okenn pye dibwa.

Zeremi 49:36

Mon pou fer divan sorti dan kat kwen lesyel, soufle lo Elanm; mon pou dispers son pep partou, ziska ki ava napa okenn pei, kot zot pa'n al rod refiz.

Ezekyel 37:9

Apre, Senyer ti dir mwan: Ou ki en imen, anons avek souf lavi! Dir li: La sa ki Senyer BONDYE i deklare: Souf lavi, vini sorti dan kat direksyon divan, soufle lo sa bann mor pour ki zot viv.

Zakari 2:6

La sa ki SENYER liniver i deklare: Leve! Sove, kit pei Nor. Mon'n dispers ou dan tou direksyon, parey divan ki soufle dan kat kwen lesyel. SENYER ki deklare.

Zakari 6:5

Lanz ti reponn mwan, “Sa i kat divan dan lesyel ki sorti dan prezans SENYER later antye.