Amos 1:11 - Labib An Kreol Seselwa

¹¹ La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Amos 1:11 Referans Kwoze

2 Kronik 28:17

Annefe, bann Edomit ti'n vin atak rwayonm Zida ankor e pran bann prizonnyen.

Malasi 1:4

Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.

Zoel 3:19

Lezip pou ganny detri; Edonm pou vin en dezer, akoz vyolans ki zot ti fer anver bann zabitan Zida. Zot in fer koule disan bann inosan dan sa pei.

Psonm 137:7

SENYER! Pa oubliy sa ki bann Edomit ti dir zour Zerizalenm ti tonbe. Zot ti dir: Kraz sa lavil! Kraz sa lavil! Kraz li ziska son fondasyon!

Mise 7:18

Napa bondye ki parey ou, SENYER; ou efas fot e pardonn pese restan ou pep. Ou pa gard ou lakoler pour touzour, me ou pran plezir montre ou fidelite.

Eklezyas 7:9

Pa pran lakoler tro vit akoz bann sot ki gard rankin.

Deterononm 23:7

Pa mepriz okenn Edomit akoz zot ou fanmir pros. Pa mepriz okenn bann Ezipsyen, akoz ou ti en etranze dan zot pei.

Efezyen 5:1

Imit Bondye! Zot ki son bann zanfan ki i kontan.

Malasi 1:2

SENYER ti dir avek son pep Izrael, “Mon'n kontan ou.” Me Izrael ti reponn, “Ki mannyer ou'n montre ki ou kontan nou?” SENYER ti reponn zot, “Ezai ek Zakob, pa zot de frer? Pourtan mon'n kontan Zakob,

Ezai 57:16

Mon pa pou touzour akize, mon pa pou touzour ankoler, pour ki ni bann lespri ni souf bann kreatir ki mon'n kree ava afebli devan mwan.

Psonm 85:5

Eski ou pou ankoler kont nou pour touzour? Eski ou pou ankoler kont bann zenerasyon fitir?

Zakari 1:15

Me mon tre ankoler kont bann nasyon ki krwar zot dan byen: Kan mon pa ti tro ankoler kont zot, zot in ogmant zot maler.

2 Kronik 20:10

Bann Amonit, bann Moabit, ek bann Edomit, ki ou pa ti les Izrael atake kan zot ti arive sorti Lezip e ki zot in evite detri,

2 Kronik 20:11

aprezan, la rekonpans ki nou gannyen: Zot vin sas nou dan propriyete ki ou menm, ou'n donn nou.

Oze 8:3

Izrael in rezet sa ki byen; Zot lennmi pou pourswiv zot.