2 Timote 4:3 - Labib An Kreol Seselwa

³ Annefe, en letan pe vini, kan dimoun pou nepli siport lansennyman laverite; me zot pou swiv zot prop dezir. Zot pou rasanble en kantite ansennyan otour zot pour dir zot sa ki zot zorey i oule tande.

2 Timote 4:3 Referans Kwoze

1 Timote 1:10

pour dimoun ki viv dan limoralite, bann omoseksyel, bann ki fer trafik lesklav, bann manter, bann ki fer fo serman e bann ki fer toudsort keksoz kontrer avek prensip ek lansennyman kretyen.

Galat 4:16

Eski aprezan mon'n vin zot lennmi akoz mon dir zot laverite?

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Levanzil dapre Lik 6:26

Maler lo zot, si tou dimoun i dir dibyen lo zot! Konmsa ki zot bann zanset ti tret bann fo profet.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Levanzil dapre Zan 8:45

Akoz mon dir zot laverite, zot pa krwar mwan.

1 Rwa 18:22

Answit, Eli ti dir lepep, “Mwan, mon'n reste sel profet SENYER, tandis ki Baal i annan 450 profet.

1 Korentyen 2:1

Kan mon ti vin kot zot frer ek ser, mon pa ti vin anons plan sekre Bondye avek bann parol konplike, oubyen bann gran fraz lasazes.

Akt de Zapot 17:21

Annefe, bann Atenyen ek tou bann etranze ki ti viv parmi zot, ti pas zot letan zis rakonte e ekout bann dernyen nouvel.

Zeremi 29:8

Annefe, la sa ki SENYER liniver, Bondye Izrael i deklare: Pa les zot ganny anbete par bann profet ki viv parmi zot, ni par okenn sa bann ki dir zot kapab anons lavenir atraver en rev.

Ezai 28:12

I ti'n dir zot: La repo! Les sa ki fatige repoze. Isi i en landrwa trankil! Me zot pa'n oule ekoute.

Zeremi 27:9

Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

1 Korentyen 2:4

Mon parol ek mon mesaz pa ti ganny anonse avek bann gran diskour ek lasazes imen, me avek en demonstrasyon pwisans Lespri Bondye.

Levanzil dapre Lik 20:19

Sa menm moman, bann profeser Lalwa ek bann gran-pret ti esey atrap Zezi. Me zot ti per lepep. Zot ti konpran ki Zezi ti'n dir sa parabol kont zot.

1 Rwa 22:18

Lerwa pep Izrael ti dir Zozafat, “Pa mon ti dir ou? I pa zanmen profetiz keksoz de bon lo mwan, me zis maler.”

1 Rwa 22:8

Lerwa Izrael ti dir Zozafat, “I annan ankor en zonm par ki nou kapab konsilte SENYER. Sa i Mise, garson Imla. Me mon pa kontan li, akoz i pa zanmen profetiz sa ki bon pour mwan; i touzour anons maler.” Me Zozafat ti dir, “Lerwa pa kapab koz konmsa.”

Egzod 32:33

SENYER ti dir Moiz, “Sa enn ki son non pou ganny efase dan mon Liv, i sa enn ki'n fer pese kont mwan.

Ezai 30:10

Zot dir avek bann vwayan: Aret ganny vizyon! E bann profet: Pa anons nou sa ki vre; dir nou keksoz ki gou, sa ki fer nou kontinyen reve.

2 Timote 1:13

Pran koman en model, bann parol laverite ki mon'n ansenny ou. Reste ferm dan lafwa ek lanmour ki nou posede dan lakominyon avek Zezi-Kri.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.