1 Timote 4:8 - Labib An Kreol Seselwa

⁸ I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.

1 Timote 4:8 Referans Kwoze

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

1 Timote 6:6

Sertennman ki lafwa dan Bondye i en gran sours larises pour sa enn ki kontant li avek sa ki i annan.

Proverb 22:4

Larises, loner ek lavi, i rekonpans sa enn ki posed limilite e respe pour SENYER.

Proverb 19:23

Respe anver SENYER i anmenn lavi; ou al dormi rasazye e maler pa tonm lo ou.

1 Zan 2:25

Promes ki i'n fer nou, se lavi eternel.

Mark 10:30

pou ganny 100 fwa plis. Deza konmela, i pou ganny lakaz, frer, ser, manman, zanfan, later; me osi persekisyon. E dan lemonn fitir, i ava ganny lavi eternel.

Psonm 37:29

Sa enn ki obei SENYER pou posed pei kot i pou reste pour touzour.

Psonm 37:11

Me bann pov ki pou posed pei. Zot ava viv dan en lape total.

Ebre 13:9

Pa les zot ganny antrennen par toudsort lansennyman bizar. I bon ki nou leker i ganny ankouraze par lagras, e non pa par bann regleman konsernan manze. Dimoun ki'n obzerv sa bann regleman pa'n tir okenn benefis.

Ezai 3:10

Dir sa ki inosan koman i ere, akoz i pou rekolte fri son travay.

Eklezyas 8:12

En malfeter i kapab mal azir plis ki 100 fwa e viv lontan. Me mon konnen ki i annan boner pour sa ki annan respe pour Bondye.

Psonm 145:19

I realiz dezir tou dimoun ki annan respe pour li. I osi ekout zot kan zot apel son sekour e i sov zot.

Psonm 84:11

SENYER Bondye i nou soley e nou boukliye. I donn nou lagras ek loner. I pa refiz nanryen sa enn ki viv en lavi san repros.

Revelasyon 3:21

Sa enn ki ganny laviktwar, mon pou met li asiz avek mwan lo mon tronn, parey mwan mon'n ganny laviktwar e mon'n asiz avek mon Papa lo son tronn.

Let Pol pour bann Tit 3:8

Sa i en parol sir. Mon oule ki ou ensiste bokou lo sa bann pwen, pour ki bann ki krwar dan Bondye, zot angaz zot pour fer bann bon aksyon. Sa i bon e itil pour tou dimoun.

Liv Zob 22:2

Eski en zonm i kapab itil pour Bondye? En dimoun saz, i itil zis pour li menm.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.

Revelasyon 3:12

Sa enn ki ganny laviktwar, mon pou fer li vin en pilye dan tanp mon Bondye e i pa pou zanmen sorti. Mon pou ekri lo li, non mon Bondye, ek non lavil mon Bondye: Nouvo Zerizalenm ki desann sorti dan lesyel kot mon Bondye. Mon pou osi ekri mon nouvo non lo li.

1 Korentyen 8:8

Me pa manze ki fer nou vin pli pros avek Bondye: Si nou pa manze, nou pa pou perdi nanryen, e si nou manze nou pa pou pli avanse.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Ezai 33:16

Sa dimoun pou viv lo oter. I pou viv an sekirite dan kavern ros. Son dipen pou touzour la; son delo pou touzour la.

Psonm 37:9

Annefe, bann malfeter pou ganny eliminen; me bann ki met zot konfyans dan SENYER, pou posed pei.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 3:22

Pol, Apolos, Pyer, lemonn, lavi, lanmor, ozordi, demen, tou i pour zot.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Liv Zob 36:11

Si zot ekout li, si zot servi li, zot ava fini zot lavi dan boner ek prosperite.

Matye 12:32

En dimoun ki blasfenm kont Fis-de-Lonm ava ganny pardonnen. Me en dimoun ki blasfenm kont Lespri Sen pa pou zanmen ganny pardonnen, ni dan sa monn, ni dan lot.”

1 Timote 4:7

Rezet bann zistwar bet ki kontrer avek lafwa; plito, disiplin ou pour viv en lavi sen avek Bondye.

1 Timote 6:3

Si en dimoun i ansenny en lot doktrin; si i pa dakor avek bann vre parol nou Senyer Zezi-Kri ek lansennyman nou lafwa,

1 Timote 6:5

e bann diskisyon ki pa zanmen fini ant dimoun ki lespri in fose e ki'n perdi tou nosyon laverite. Zot krwar ki lafwa dan Bondye i en mwayen pour vin ris.

2 Timote 3:5

Zot pou fer sanblan ki zot fidel anver Bondye; me zot pou rezet son vre pwisans. Pa asosye ou avek bann dimoun parey.

Levanzil dapre Lik 5:38

Me, fodre met diven nef dan bann sak diven nef.