1 Pyer 4:19 - Labib An Kreol Seselwa

¹⁹ Alor, bann ki soufer dapre lavolonte Bondye, zot devre kontinyen fer sa ki byen, e met zot konfyans konpletman dan lavolonte Kreater ki touzour gard son promes.

1 Pyer 4:19 Referans Kwoze

Psonm 37:5

Konfye SENYER ou lavi. Remet tou sa ki ou fer dan lanmen SENYER.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

1 Pyer 3:17

Vomye soufer an fezan dibyen, si sa i lavolonte Bondye, plito ki fer sa ki mal.

Psonm 138:8

SENYER pou fer tou pour mwan. SENYER! Ou fidelite i dire pour touzour. Pa abandonn sa enn ki ou lanmen in fer.

1 Pyer 2:15

Annefe, sa ki Bondye i oule, se ki par zot bann bon aksyon, zot ferm labous bann ki stipid ek bann ki bet.

Romen 2:7

Bann ki fer lebyen, pou ganny laglwar, loner ek limortalite.

Psonm 31:5

Mon plas mon lavi dan ou lanmen. Ou'n delivre mwan, SENYER, Bondye fidel.

Danyel 6:22

Mon Bondye in anvoy son lanz pour ferm lagel bann lyon ki pa'n fer mwan okenn dimal, akoz i'n war mon linosans. Devan ou osi Mazeste, mon pa'n fer nanryen mal.”

Akt de Zapot 7:59

Pandan ki i ti pe ganny saboule, Etyenn ti fer sa lapriyer, “Senyer Zezi! Resevwar mon lespri!”

Levanzil dapre Lik 23:46

Alor, Zezi ti kriy avek en lavwa for, “Papa! Mon remet mon lespri dan ou lanmen.” Kan i ti'n fini dir sa parol, Zezi ti rann son dernyen soupir.

Ezai 43:21

Sa pep ki mon'n formen zis pour mwan ava sant mon louanz.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Ester 4:16

Ale, rasanble tou bann Zwif ki i annan dan lavil Siz. Fer en zenn pour mwan pandan trwa zour, san manze ni bwar, aswar koman lizour. Mwan osi, mon pou fer parey, ansanm avek mon bann servant. Answit, menm si i kont lalwa, mon ava al kot lerwa; si fodre mor mon ava mor!

1 Pyer 3:20

savedir avek bann ki ti'n dezobei Bondye otrefwa. Bondye ti esper avek pasyans pandan ki Noe ti pe konstri son bato, dan lekel en pti group dimoun, wit an tou, ti ganny sove atraver delo.