1 Pyer 3:14 - Labib An Kreol Seselwa

¹⁴ Kan zot ava soufer pour lazistis, zot pou ere. Pa bezwen per personn, zot napa nanryen pour trakase.

1 Pyer 3:14 Referans Kwoze

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

2 Korentyen 12:10

Pour sa rezon donk, ki mon satisfe dan febles, lensilt, detres, persekisyon ek lenkyetid pour Kris. Annefe, kan mon feb, lanmenm ler ki mon for.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Levanzil dapre Zan 14:1

Zezi ti dir zot, “Pa bezwen les zot leker trouble. Kwar dan Bondye e krwar osi dan mwan.

Mark 10:29

Zezi ti dir li, “Mon dir zot, sa i laverite: Sa enn ki'n kit lakaz, frer, ser, manman, papa, zanfan, oubyen later akoz mwan e akoz Bonn Nouvel,

Mark 8:35

Annefe, tou dimoun ki anvi sov son lavi, pou perdi li. Me sa enn ki perdi son lavi akoz mwan e akoz Bonn Nouvel, pou sov li.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Matye 16:25

Sa enn ki oule sov son lavi, pou perdi li. Me sa enn ki perdi son lavi akoz mwan, i ava retrouv li.

1 Pyer 3:6

Konmsa menm ki Sara ti obei Abrahanm e apel li son senyer. Zot vreman son bann fiy, si zot fer sa ki byen, san les personn fer zot per.

Matye 10:39

Sa enn ki oule gard son lavi pou perdi li, me sa enn ki perdi son lavi akoz mwan, pou gard li.

Zeremi 15:15

Zeremi ti dir SENYER: Ou konn tou! Pa oubliy mwan, vin sekour mwan SENYER. Vanz dan mon plas mon bann lennmi ki persekit mwan. Pa pran bokou pasyans avek zot, sankwa zot ava ganny letan touy mwan. Akoz ou ki mon siport sa bann lensilt.

Zeremi 1:8

Pa bezwen per zot! Mon pou avek ou pour protez ou.

Ezai 51:12

La sa ki SENYER i deklare: Mwan menm ou konsolater. Alor, akoz ou per zonm ki parey ou en et imen ki mor parey zerb?

Filipyen 1:29

ki'n akord zot sa privilez pour servi Kris. Pa zis pour krwar dan li, me osi pou soufer pour li.

Matye 10:31

Alor, pa bezwen per; zot vo bokou plis ki en kantite sren!

Akt de Zapot 9:16

Mon pou montre li tou sa ki i pou bezwen soufer akoz mon non.”

Ezekyel 3:9

Mon pou fer ou latet vin dir koman dyanman, pli dir ki ros. Pa per zot, pa les zot fer ou per. Zot en pep rebel.”

Proverb 3:25

Lafreyer pa pou tonm lo ou sibitman e malfeter pa pou atak ou,

Let Zak 5:11

Nou deklar zot byennere akoz zot i'n reste fidel. Zot in antann koz lo pasyans Zob. Zot in war sa ki Senyer in fer pour li alafen. Annefe, Senyer i ranpli avek labonte ek konpasyon.