1 Pyer 2:19 - Labib An Kreol Seselwa

¹⁹ Annefe, i en bon keksoz si en dimoun i siport bann soufrans ki i andire enzisteman pour lanmour Bondye.

1 Pyer 2:19 Referans Kwoze

1 Pyer 2:20

Annefe, ki benefis en dimoun i gannyen, si i bezwen siport move tretman pour fot ki i'n fer? Me si ou soufer avek pasyans pour sa ki ou'n byen fer, sa i ganny aprouve par Bondye.

1 Korentyen 15:10

Me par lagras Bondye, mon sa ki mon ete, e son lagras pour mwan i pa'n initil. O kontrer, mon'n travay plis ki tou lezot; pa mwan, me lagras Bondye ki avek mwan.

Levanzil dapre Lik 6:32

Si ou kontan zis sa bann ki kontan ou, ki rekonpans ou merite? Menm bann malfeter, zot kontan dimoun ki kontan zot.

Romen 13:5

Alor, i bon ki ou soumet ou avek lotorite, pa zis pour evit lakoler Bondye me akoz i en devwar de konsyans.

Levanzil dapre Zan 15:21

Me tousala pou arive avek zot akoz mwan. Annefe, zot pa konn sa enn ki'n anvoy mwan.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

2 Korentyen 8:1

Mon bann frer ek ser! Nou oule ki zot konnen ki mannyer Bondye in montre son lagras dan bann Legliz ki Masedwann.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

Psonm 119:86

Tou ou bann komannman i montre ou fidelite. Mon pe ganny persekite san rezon. Sekour mwan!

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Psonm 38:19

Mon bann lennmi, zot byen portan e for; en kantite parmi zot pe ay mwan san rezon.

Psonm 35:19

Pa les mon bann lennmi riy mwan. Pa les sa bann ki ay mwan san rezon get mwan avek mepri.

Liv Zob 21:27

Mon konn byen ki zot pe mazinen e tou zot plan pour donn mwan tor.

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Ebre 10:2

Si dimoun ki ofer en tel kilt anver Bondye, ti'n ganny pirifye en fwa pour tou, pour zot pese, zot pa ti pou kontinyen santi zot koupab. Pa ti pou bezwen ofer sakrifis ankor.

1 Pyer 4:15

Ki personn parmi zot pa soufer koman en kriminel, oubyen en voler, en bandi, oubyen koman bann ki'n mel li dan zafer lezot.