1 Pyer 1:21 - Labib An Kreol Seselwa

²¹ Par li, zot krwar dan Bondye ki'n resisit li e ki'n donn li laglwar. Konmsa, zot met zot lafwa ek zot lesperans dan Bondye.

1 Pyer 1:21 Referans Kwoze

Akt de Zapot 2:24

Me Bondye ti resisit li, e delivre li dan soufrans lanmor. Annefe ti enposib pour lanmor gard li anba son pouvwar.

Ebre 2:9

Me nou konstate ki pandan en pti pe letan, Zezi ti'n ganny abese pli ba ki bann lanz. Konmsa, akoz soufrans son lanmor, i'n ganny kouronnen avek laglwar ek loner. Ensi, par lagras Bondye, i'n mor pour tou dimoun.

Levanzil dapre Zan 12:44

Zezi ti kriy byen for, “Sa enn ki war dan mwan, pa krwar zis dan mwan, me osi dan sa enn ki'n anvoy mwan.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

1 Pyer 1:11

Zot in fer en gro zefor pour dekouver dan ki lepok e dan ki sirkonstans, bann lendikasyon ki Lespri Kris in donnen, ti koresponn. Annefe, sa Lespri ki ti dan zot, ti anons davans, soufrans ki Kris ti devre pas ladan ek laglwar ki devre swiv.

Ebre 7:25

Pour sa rezon ki i kapab sov pour leternite, dimoun ki apros kot Bondye atraver li, akoz i touzour vivan pour pled dan zot faver.

Efezyen 1:15

Pour sa rezon, depi ki mon'n antann koz lo zot lafwa dan Senyer Zezi, e lo zot lanmour pour tou bann krwayan,

1 Timote 1:1

Sa let i sorti kot Pol, zapot Zezi-Kri lo lord Bondye, nou Sover ek Zezi-Kri ki nou lesperans.

Kolosyen 1:27

Annefe, Bondye in oule fer konn sa plan sekre ki ris e manifik e ki i'n prepare an faver tou bann pep. E sekre sa plan, se ki Kris i dan zot; i donn zot lasirans ki zot ava pran par dan laglwar Bondye.

Romen 10:9

Si par ou labous, ou deklare devan tou dimoun ki Zezi i Senyer; si ou krwar dan ou leker ki Bondye in resisit li parmi bann mor, ou pou ganny sove.

Romen 4:24

In ganny ekri osi pour nou, ki ganny konsidere koman zis, nou ki krwar dan sa enn ki'n resisit Zezi, nou Senyer.

Akt de Zapot 4:10

Alor, i enportan ki zot tou, zot ek pep Izrael antye, zot konnen ki, si sa zonm i la devan zot konpletman an bonn sante, se par non Zezi-Kri, sa Nazareen ki zot ti krisifye e ki Bondye in resisite.

Akt de Zapot 3:15

Konmsa ki zot i'n met anmor sa enn, ki li menm sours lavi. Me Bondye in resisit li, e nou, nou la koman temwen.

Akt de Zapot 3:13

Bondye Abrahanm, Izaak ek Zakob, Bondye tou nou bann zanset, in montre mazeste son serviter Zezi-Kri, ki zot ti livre avek lotorite, e renye devan Pilat, ki pourtan ti'n deside larg li.

Levanzil dapre Zan 17:1

Kan Zezi ti'n fini koze, i ti lev lizye ver lesyel. I ti dir: Papa! Ler in arive, glorifye ou Garson pour ki ou Garson i ava glorifye ou.

Levanzil dapre Zan 14:6

Zezi ti dir li, “Mwan menm semen, laverite e lavi. Personn pa kapab ariv kot mon Papa san pas par mwan.

Levanzil dapre Zan 14:1

Zezi ti dir zot, “Pa bezwen les zot leker trouble. Kwar dan Bondye e krwar osi dan mwan.

Levanzil dapre Zan 3:34

Sa enn ki Bondye in anvoye, i koz Parol Bondye, akoz Bondye in donn li son Lespri annabondans.

Matye 28:18

Zezi ti apros zot e dir zot, “Mon'n ganny tou pouvwar dan lesyel ek lo later.

Zeremi 17:7

Me mon beni sa zonm ki met son konfyans dan SENYER, e ki kont antyerman lo SENYER.

Psonm 42:5

Akoz mon dekouraze? Akoz mon plenny lo mon sor? Met ou konfyans dan Bondye! Mon pou loue li ankor, li, mon Sover.

Ebre 6:1

Alor, annou les deryer nou sa lansennyman elemanter lo Kris; annou avanse pour ariv lo en nivo matirite. I pa neseser ki nou poz fondasyon sa mesaz, setadir: Nesesite pour aret fer bann move aksyon, e krwar dan Bondye,

Levanzil dapre Zan 17:5

Aprezan Papa, glorifye mwan dan ou prezans avek sa menm mazeste ki mon ti annan avek ou, avan kreasyon lemonn.

Levanzil dapre Zan 17:24

Papa! Ou'n donn mwan zot. Mon oule ki zot osi, zot ava avek mwan kot mon ete, pour ki zot war mon mazeste ki ou'n donn mwan, akoz ou'n kontan mwan avan ki lemonn ti ganny kree.

2 Korentyen 6:15

Ki mannyer Kris i kapab tonm dakor avek dyab? Ki relasyon i kapab annan ant en krwayan ek en non-krwayan?

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

1 Pyer 1:3

Annou loue Bondye e Papa nou Senyer Zezi-Kri! Dan son gran bonte, apre ki i ti resisit Zezi-Kri, i'n fer nou reviv pour en lesperans ki vivan,