1 Pyer 1:14 - Labib An Kreol Seselwa

¹⁴ Fer koman bann zanfan obeisan. Pa les bann dezir ki zot ti annan kan zot ti ankor dan linyorans, kontrol zot.

1 Pyer 1:14 Referans Kwoze

Romen 12:2

Pa swiv bann koutim sa lemonn aktyel, me les Bondye transform zot e donn zot en nouvo lentelizans. Alor, zot ava kapab disern lavolonte Bondye: Sa ki byen, sa ki fer li plezir, sa ki parfe.

Efezyen 2:2

Zot ti pe viv dapre mannyer lemonn. Zot ti pe obeir sef bann pwisans dan lespas, sa menm lespri ki aprezan pe travay dan dimoun ki pe opoz Bondye.

1 Tesalonisyen 4:5

Pa les zot ganny dominen par bann move dezir parey bann ki pa konn Bondye.

Romen 6:4

Alor, par nou batenm, nou'n ganny antere avek li dan son lanmor, pour ki, parey Kris in resisite par mazeste pwisan son Papa, nou osi, nou ava ganny en nouvo lavi.

Akt de Zapot 17:30

Bondye nepli tenir kont bann letan kan bann imen ti pe viv dan linyorans. Me aprezan i apel tou dimoun dan nenport ki landrwa pour sanz zot mannyer viv.

Efezyen 5:6

Pa les personn tronp zot par bann fo rezonnman. Bann fot parey ki fer lakoler Bondye monte kont bann ki refize obei li.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.

Deterononm 27:10

Alor, ou ava obei SENYER, ou Bondye, e met an pratik son bann komannman ek son bann regleman ki mon pe ordonn ou ozordi.