Sòm 98:5 - Bib Sen An: Kreyòl Ayisyen

⁵ Chante lwanj a SENYÈ a avèk ap, avèk ap ak vwa melodi a.

1998 Haïtienne

⁵ Chante pou Senyè a avèk gita! Avèk gita, chante kantik!

Sòm 98:5 Referans Kwoze

1 Kwonik 15:16

Epi David te pale avèk chèf Levit yo, pou dispoze fanmi pa yo, chantè yo, avèk lenstriman mizik yo, ap yo, gita yo, senbal ki sonnen fò yo, pou fè leve kri lajwa yo.

1 Kwonik 15:28

Konsa, tout Israël te pote monte lach akò SENYÈ a avèk gwo kri, avèk son a kòn soufle, avèk twonpèt, avèk gwo bwi a senbal, avèk ap ak gita.

2 Kwonik 29:25

Apre, li te estasyone Levit yo lakay SENYÈ a avèk senbal yo, avèk ap e avèk linstriman kòd yo, selon kòmand David la avèk Gad, konseye wa a, ak Nathan, pwofèt la; paske kòmand lan te sòti nan SENYÈ a pa pwofèt li yo.

Sòm 147:7

Chante a SENYÈ a ak remèsiman. Chante lwanj a Bondye nou an sou gita,

Sòm 33:2

Bay remèsiman a SENYÈ avèk gita. Chante lwanj a Li menm avèk ap dis kòd.

Sòm 71:22

Konsa, mwen va louwe Ou avèk ap la pou fidelite Ou, O Bondye mwen. A Ou menm, mwen va chante lwanj avèk gita, O Sila Ki Sen an Israël la.

Ezayi 51:3

Anverite, SENYÈ a te konsole Sion; Li te rekonfòte tout kote dezole li yo. Epi savann li yo te fèt sanble ak Éden, e dezè yo tankou jaden Senyè a. Lajwa ak kè kontan va twouve nan yo; remèsiman ak son melodi chanson.

Revelasyon 5:8

Lè L te pran liv la, kat kreyati vivan yo ak venn-kat ansyen yo te tonbe devan Jèn Mouton an, yo chak kenbe yon ap ak yon bòl fèt an lò ranpli avèk lansan, ki se te priyè a sen yo.