Sòm 7:2 - Bib Sen An: Kreyòl Ayisyen

² sof ke li ta chire nanm mwen tankou yon lyon, epi rale m akote pandan pa gen moun pou delivre m.

1998 Haïtienne

² (3) Si se pa sa, tankou lyon yo fè, y'ap pote m ale, y'ap devore m san pèsonn p'ap ka pote m sekou.

Sòm 7:2 Referans Kwoze

2 Samyèl 14:6

Sèvant ou an gen de fis. Men yo de te goumen nan chan an e yo pa t gen pèsòn pou separe yo. Konsa, youn te frape lòt e te touye li.

Jòb 10:7

Malgre Ou konnen mwen pa koupab, sepandan, nanpwen ki ka livre m sòti nan men Ou.’”

Sòm 10:9

Li kache yon kote an kachèt tankou lyon nan nan kav li. Li kache pou kenbe aflije yo; li kenbe aflije yo lè l rale mennen yo rive nan pèlen an.

Sòm 11:1

Se nan SENYÈ a ke m kache. Kijan ou kapab di a nanm mwen: “Sove ale kon yon zwazo nan mòn ou;

Sòm 16:1

Pwoteje m O Bondye, paske mwen kache nan Ou.

Sòm 17:12

Se tankou yon lyon ki anvi devore, tankou yon jenn lyon k ap kache nan fènwa.

Sòm 22:13

Yo ouvri bouch yo byen laj sou mwen, tankou yon lyon voras k ap rele fò.

Sòm 31:2

Panche zòrèy W bò kote mwen. Delivre mwen byen vit. Devni pou mwen wòch ki ban m fòs, yon sitadèl ki pou sove m.

Sòm 35:15

Men moman ke m te chape tonbe a, yo te rejwi, e te reyini yo ansanm. San ke mwen pa menm konnen, agresè sa yo te rasanble kont mwen. Yo t ap chire m san rete.

Sòm 50:22

Alò, konsidere sa, nou menm ki bliye Bondye, oswa, Mwen va chire nou an mòso, e p ap gen pèsòn ki pou sove nou.

Sòm 59:2

Delivre m de sila ki fè inikite yo, e sove mwen de moun ki vèse san yo.

Pwovèb 19:12

Kòlè a wa a se tankou yon lyon k ap rele fò; men favè li se tankou lawouze sou zèb vèt.

Ezayi 38:13

Mwen te kalme nanm mwen jis rive nan maten. Tankou yon lyon—se konsa Li kraze tout zo m, soti lajounen jis rive lannwit, ou fè yon fen ak mwen.

Detewonòm 33:20

De Gad, li te di: “Beni se sila ki fè Gad vin pi gwo; li kouche ba tankou yon manman lyon, pou l dechire bra a oswa tèt la.

2 Timote 4:17

Men Senyè a te kanpe avèk mwen e te ban m fòs pou pwoklamasyon an ta kapab fin akonpli nèt, e pou tout pèp etranje yo kapab tande. Se konsa, mwen te sove soti nan bouch a lyon an.

1 Pyè 5:8

Se pou nou gen lespri serye e rete vijilan. Lènmi nou an, dyab la, ap sikile toupatou tankou yon lyon voras k ap chache yon moun pou l devore.

Jij 18:28

Pa t gen pèsòn pou sove yo akoz li te lwen Sidon e yo pa t gen relasyon avèk okenn lòt pèp. Li te nan vale ki te toupre Beth-Rehob la. Konsa, yo te rebati vil la pou te viv ladann.