Sòm 3:7 - Bib Sen An: Kreyòl Ayisyen

⁷ Leve, O SENYÈ! Sove mwen, O Bondye mwen! Paske Ou te souflete tout lènmi mwen yo. Ou te kraze dan a mechan yo.

1998 Haïtienne

⁷ (8) Leve non, Senyè! Sove m non, Bondye mwen! Ou bay tout lènmi m yo yon souflèt. Ou kase dan mechan yo.

Sòm 3:7 Referans Kwoze

2 Samyèl 18:8

Paske batay la te gaye sou tout teritwa peyi a e forè a te devore plis moun nan jou sa a ke nepe ta devore.

Jòb 16:10

Yo te gade m, bouch yo louvri. Yo te souflete m sou machwè m ak mepriz; yo te oganize yo menm kont mwen.

Jòb 29:17

Mwen te kase machwè a mechan an e mwen te retire viktim nan anba dan l.

Sòm 10:12

Leve O SENYÈ! O Bondye, leve men Ou wo! Pa bliye aflije yo!

Sòm 12:5

“Akoz dega a aflije yo, akoz kri a malere yo, koulye a, Mwen va leve”, pale SENYÈ a; “Mwen va mete li ansekirite de sila ki maltrete l la.”

Sòm 27:3

Malgre yon lame ta fè kan kont mwen, kè m p ap pè. Malgre lagè leve kont mwen, malgre sa, m ap gen konfyans.

Sòm 35:23

Reveye Ou! Reveye Ou pou dwa m ak koz mwen, Bondye mwen ak SENYÈ mwen.

Sòm 44:23

Leve Ou menm! Poukisa Ou ap dòmi, O SENYÈ? Leve nan dòmi! Pa rejte nou nèt.

Sòm 58:6

O Bondye, kraze dan nan bouch yo! Kase gwo dan a jenn lyon an, O SENYÈ.

Sòm 59:5

Ou menm, O SENYÈ Bondye dèzame yo, Bondye Israël la, leve e pini tout nasyon yo. Pa bay gras a moun mechan yo ki fè trèt nan inikite. Tan

Sòm 6:4

Retounen, O SENYÈ, fè nanm mwen chape. Sove mwen akoz lanmou dous Ou a.

Sòm 7:6

Leve, O SENYÈ, nan kòlè Ou; leve Ou menm kont raj ladvèsè mwen yo. Leve Ou menm pou mwen; Ou menm ki te etabli jijman an.

Sòm 74:11

Poukisa Ou retire men Ou? Sitou men dwat Ou? Fè l parèt sòti anndan lestonmak Ou pou detwi yo!

Sòm 76:9

lè Bondye te leve nan jijman an, pou sove tout enb sou latè yo. Tan

Ezayi 51:9

“Leve, leve, mete fòs sou Ou, O bra SENYÈ a; leve tankou nan jou lansyen yo. Èske se pa t Ou menm ki te koupe Rahab an ti mòso a, ki te frennen dragon an nèt la?

Lamantasyon 3:30

Kite li lonje machwè li, bay sila k ap frape l la. Kite li ranpli ak repwòch.

Abakik 2:19

Malè a sila ki di a yon mòso bwa: ‘Leve!”, a yon wòch ki pa ka pale: “Kanpe!” Èske se sila a ki ka enstwi? Men gade byen, li kouvri nèt ak lò ak ajan, e pa gen okenn souf ladann.