Sòm 22:3 - Bib Sen An: Kreyòl Ayisyen

³ Sepandan, Ou sen; Ou menm ki sou twòn lwanj pèp Israël la.

1998 Haïtienne

³ (4) Men, se ou menm ki Bondye, ou chita sou fòtèy ki apa pou ou a. Pèp Izrayèl la ap fè lwanj ou.

Sòm 22:3 Referans Kwoze

Jòb 19:7

“Gade byen, mwen kriye: ‘Vyolans!’ Men nanpwen repons. Mwen rele sekou! Men nanpwen jistis.

Jòb 30:20

Mwen kriye a Ou menm pou sekou, men Ou pa reponn mwen. Mwen kanpe, e se gete, Ou gete m.

Sòm 145:17

Senyè a dwat nan tout chemen Li yo, e ranpli ak bonte nan tout zèv Li yo.

Sòm 50:23

Sila ki ofri yon sakrifis remèsiman onore M, epi a sila ki fè chemen li dwat la, Mwen va montre li sali Bondye a.”

Sòm 65:1

Se lwanj k ap tan Ou, O Bondye nan Sion. Ve yo va fèt anvè Ou.

Sòm 88:2

Kite priyè mwen vini devan Ou. Panche zòrèy Ou vè kri mwen an!

Sòm 99:9

Egzalte SENYÈ, Bondye nou an! Adore nan mon sen Li an, paske sen se SENYÈ a, Bondye nou an!

Ezayi 6:3

Youn te rele a yon lòt epi te di: “Sen, Sen, Sen, se SENYÈ dèzame yo; tout latè plen ak glwa Li.”

Abakik 1:2

Pandan konbyen tan, O SENYÈ, mwen va kriye sekou e Ou pa tande? Mwen kriye a Ou menm, “Vyolans!” Men Ou pa delivre.

Detewonòm 10:21

Se Li menm ki lwanj nou, se Li menm ki Bondye nou, se Li menm ki te fè gran bagay etonan sa yo pou nou ke zye nou te wè.

Revelasyon 4:8

Epi kat kreyati vivan yo, yo chak avèk sis zèl, ranpli avèk zye toutotou e anndan. San repo, lajounen kon lannwit, yo pa t sispann di: “Sen, sen, sen, se Senyè a, Bondye a, Toupwisan an, ki te la, ki la, e ki va vini an.”