Sòm 18:22 - Bib Sen An: Kreyòl Ayisyen

²² Paske tout òdonans Li yo te devan m. Mwen pa t janm mete règleman Li yo akote.

1998 Haïtienne

²² (23) Mwen fè tou sa ki nan lalwa li, mwen pa janm dezobeyi kòmandman li yo.

Sòm 18:22 Referans Kwoze

Jòb 23:11

Pye m te kenbe fèm a pa Li. Mwen te kenbe chemen Li an, e mwen pa t vire akote.

Sòm 119:112

Mwen te enkline kè m pou fè règleman Ou yo jis pou tout tan, jiska lafen. SAMEKH

Sòm 119:117

Kenbe mwen pou m kab jwenn sekou, pou m gen konsiderasyon pou règleman Ou yo tout tan.

Sòm 119:128

Pou sa, mwen konsidere byen tout òdonans Ou yo selon tout bagay. Mwen rayi tout sa ki fo. PE

Sòm 119:13

Avèk lèv mwen, mwen te pale selon tout òdonans bouch Ou yo.

Sòm 119:30

Mwen te chwazi chemen fidèl Ou a. Mwen te mete òdonans Ou yo devan m.

Jan 5:14

Apre, Jésus te twouve li nan tanp lan, e te di l: “Gade, ou gen tan geri. Pa peche ankò pou anyen pi mal pa vin tonbe sou ou.”

Detewonòm 26:13

“Nou va di devan SENYÈ a, Bondye nou an, ‘Mwen te retire pòsyon sen ki te lakay mwen an; epi osi, mwen te bay li a Levit la ak etranje a, avèk òfelen ak vèv la, selon tout kòmandman Ou yo, ke Ou te kòmande mwen. Mwen pa t vyole ni bliye okenn nan kòmandman Ou yo.

Detewonòm 26:14

Mwen pa t manje ladann pandan lamantasyon mwen, ni mwen pa t retire anyen ladann pandan mwen pa t pwòp, ni pa t ofri anyen nan li a mò yo. Mwen te koute vwa SENYÈ a, Bondye mwen an. Mwen te fè selon tout sa ke Ou te kòmande mwen yo.