Pwovèb 5:12 - Bib Sen An: Kreyòl Ayisyen

¹² Ou va di: “Ki jan mwen te rayi enstriksyon! Ak “Ki jan kè m te rayi repwòch!

1998 Haïtienne

¹² Lè sa a, w'a di: Poukisa mwen pat vle kite yo rale zòrèy mwen?

Pwovèb 5:12 Referans Kwoze

Jenèz 19:9

Men yo te di: “Mete ou akote.” Anplis ke sa yo te di: “Sila te antre tankou etranje, e deja l ap aji kòm jij. Pou sa a, nou va trete ou pi mal pase yo.” Epi yo te peze rèd kont Lot, e yo te prèt pou kase pòt la.

2 Kwonik 25:16

Pandan li t ap pale avèk li, wa a te di li: “Èske nou te chwazi ou menm kòm konseye wayal? Rete! Poukisa w ap chache mouri?” Epi pwofèt la te rete. Li te di: “Mwen konnen ke Bondye deja fè plan pou detwi ou, paske ou te fè bagay sa a e pa t koute konsèy mwen.”

2 Kwonik 36:16

men yo te giyonnen mesaje Bondye yo, yo te meprize pawòl Li, e yo te moke pwofèt Li yo, jiskaske kòlè SENYÈ a te leve kont pèp Li a jiskaske pa t gen remèd pou sa.

Sòm 50:17

Paske ou rayi disiplin, e jete pawòl Mwen yo dèyè w.

Sòm 73:22

alò, mwen te vin ensansib e san bon konprann. Mwen te tankou yon bèt devan Ou.

Pwovèb 1:22

“Jiskilè, O moun san bon konprann yo, nou va renmen rete san konprann anyen? Pou mokè yo rejwi yo nan moke moun e moun san konprann yo rayi konesans?

Pwovèb 1:25

men nou te neglije tout konsèy mwen yo, e nou pa t vle tande repwòch mwen;

Pwovèb 1:7

Lakrent SENYÈ a se kòmansman sajès la; sila ki plen foli, meprize sajès ak lenstriksyon.

Pwovèb 10:17

Sila ki swiv enstriksyon an, sou wout lavi; men sila ki pa tande repwòch la vin egare nèt.

Pwovèb 12:1

Nenpòt moun ki renmen disiplin, renmen konesans, men sila ki rayi korije a, se bèt.

Pwovèb 13:18

Mizè ak wont se pou sila ki manke disiplin nan; men sila ki konsidere repwòch la va onore.

Pwovèb 15:5

Yon moun ensanse refize disiplin a papa l; men sila ki aksepte repwòch gen sajès.

Pwovèb 5:11

Epi ou va plenyen nan gòj lè dènye moman lavi ou rive, lè chè ou ak kò ou fin manje nèt.

Pwovèb 6:23

Paske kòmandman an se yon lanp, e enstriksyon li se limyè. Konsa, repwòch ki disipline a se chemen lavi a

Pwovèb 8:36

Men sila ki peche kont mwen an, fè pwòp tèt li mal; tout sila ki rayi mwen yo, renmen lanmò.”

Jeremi 44:4

Malgre sa, Mwen te voye bannou tout sèvitè mwen yo, pwofèt yo, ankò e ankò e Mwen te di: “Ah, pa fè bagay abominab sila ke m menm rayi a.”