Pwovèb 4:26 - Bib Sen An: Kreyòl Ayisyen

²⁶ Veye wout pye ou konn pran e tout chemen ou yo va byen etabli.

1998 Haïtienne

²⁶ Chache konnen byen sa w'ap fè. Konsa, tou sa w'ap fè ap mache byen pou ou.

Pwovèb 4:26 Referans Kwoze

Ebre 12:13

epi fè chemen pye nou dwat, jis pou manm kò ki mal ranje a pa vin dejwente nèt, men pito vin geri.

Sòm 37:23

Pa a yon nonm etabli pa SENYÈ a. Konsa, Li pran plezi nan chemen li.

Sòm 119:5

O ke chemen mwen yo kapab vin etabli pou kenbe règleman Ou yo!

2 Tesalonisyen 3:3

Men Senyè a fidèl, e Li va ranfòse nou e pwoteje nou de mechan an.

Aje 1:5

Alò, konsa pale SENYÈ dèzame yo: “Konsidere chemen nou yo!

Aje 1:7

Konsa pale SENYÈ dèzame yo: “Konsidere chemen nou yo!

1 Tesalonisyen 3:13

Pou Li kapab etabli kè nou san fot, nan sentete devan Bondye, Papa nou an, nan lè retou Senyè nou an avèk tout sen Li yo.

Efezyen 5:17

Konsa, pinga nou vin moun ensanse, men konprann byen kisa volonte Bondye a ye.

Ezekyèl 18:28

Akoz li te konsidere, e te vire kite tout transgresyon ke li te konn komèt yo, li va anverite viv. Li p ap mouri.

Sòm 119:59

Mwen te konsidere chemen mwen yo, e te vire pye m vè temwayaj Ou yo.

Pwovèb 5:21

Paske chemen a yon nonm se devan zye a SENYÈ a, e Li veye tout pa li yo.

Efezyen 5:15

Konsa, fè atansyon sou jan nou mache, pa tankou yon moun ki pa saj, men tankou yon moun ki saj.

Pwovèb 5:6

Li pa reflechi sou pa lavi a; vwa li yo pa stab; li pa rekonèt bagay sa a.

Sòm 40:2

Li te mennen mwen sòti nan fòs k ap detwi a, sòti deyò gwo ma ajil la. Li te mete pye m sou wòch la e te fè m kanpe byen fèm.

1 Pyè 5:10

Lè nou gen tan fin soufri pou yon ti tan, Bondye a tout gras ki te rele nou nan laglwa etènèl Li a an Kris, va, Li menm, fè nou pafè, konfime nou, e fè nou vin dyanm.

Pwovèb 4:25

Kite zye ou gade tou dwat devan e kite vizyon ou konsantre devan nèt.

Pwovèb 15:21

Foli se gwo plezi pou sila ki manke bon konprann nan; men yon nonm ak bon konprann mache dwat.

Pwovèb 21:29

Moun mechan an afiche yon figi brav; men pou moun ladwati a, chemen li an sèten.

Pwovèb 23:19

Koute, fis mwen an, vin saj pou dirije kè ou nan chemen an.