Pwovèb 23:10 - Bib Sen An: Kreyòl Ayisyen

¹⁰ Pa deplase ansyen bòn nan, ni antre nan chan òfelen yo,

1998 Haïtienne

¹⁰ Pa janm deplase bòn tè kote yo te ye depi lontan an. Pa antre sou jaden ki pou timoun san papa.

Pwovèb 23:10 Referans Kwoze

Pwovèb 22:28

Pa deplase ansyen bòn ke papa zansèt nou yo te mete a.

Zakari 7:10

Pa oprime ni vèv, ni òfelen, ni etranje, ni malere. Ni pa kite pèsòn nan nou panse mal nan kè li, youn kont lòt.’

Detewonòm 27:17

‘Modi se sila ki deplase limit lizyè vwazen li.’ Epi tout pèp la va di: ‘Amen’.

Jak 1:27

Relijyon ki pafè e san tach devan zye a Bondye, Papa nou a se sa a: vizite òfelen e vèv ki nan nesesite yo, e kenbe tèt nou san tach de mond lan.

Jeremi 22:3

Konsa pale SENYÈ a: “Fè jistis ak ladwati e delivre sila ki te vòlè devan pouvwa sila ki te oprime l la. Anplis pa maltrete ni fè vyolans a yon etranje, òfelen an ak vèv la. Ni pa vèse san inosan nan plas sa a.

Detewonòm 19:14

“Nou pa pou deplase lizyè tè vwazen nou, ke zansèt yo te etabli kòm eritaj nou ke SENYÈ Bondye nou an, ap bannou pou posede.

Malachi 3:5

“Konsa, Mwen va vin kote nou pou jijman. Mwen va fè temwen byen rapid kont wangatè yo, kont moun adiltè yo, ak kont sila k ap fè fo temwayaj yo; kont sila k ap oprime ouvriye yo nan salè yo, vèv yo, òfelen yo, sila ki refize bay soutyen yo a etranje yo, ak sila ki pa gen lakrent Mwen yo,” pale SENYÈ, dèzame yo.

Jeremi 7:5

Paske si, anverite, nou korije chemen nou yo, ak zèv nou yo; si, anverite, nou pratike jistis antre yon nonm ak vwazen li,

Sòm 94:6

Yo touye vèv yo avèk etranje a. Yo asasine òfelen yo.

Jòb 22:9

Ou te voye vèv yo ale men vid e te kraze fòs a òfelen yo.

Jòb 6:27

Konsa, ou ta menm tire osò pou òfelen yo e fè twòk pou zanmi ou.

Jòb 24:9

Lòt yo sezi òfelen an soti nan tete a, e kont malere a, yo pran garanti.

Egzòd 22:22

Ou pa pou oprime okenn vèv, ni òfelen.

Pwovèb 15:25

SENYÈ a va demoli kay moun ògeye a; men L ap etabli lizyè vèv la.

Jeremi 7:6

si nou pa oprime etranje a, òfelen an, oswa vèv la e pa vèse san inosan a nan plas sa, ni mache dèyè lòt dye anvè pwòp destriksyon nou,