Pwovèb 21:24 - Bib Sen An: Kreyòl Ayisyen

²⁴ Ògèy, Monte Tèt Wo, Mokè; men tit a sila ki aji nan ògèy ak ensolans yo.

1998 Haïtienne

²⁴ Moun k'ap pase Bondye nan betiz, se moun ki radi, se moun ki awogan. Yo pa gen konsiderasyon pou pèsonn.

Pwovèb 21:24 Referans Kwoze

Sòm 1:1

Beni se nonm ki pa mache nan konsèy mechan yo ni kanpe nan pa pechè yo, ni chita nan chèz mokè yo,

Pwovèb 19:29

Gen desizyon jijman pou mokè yo; ak kou pou do a moun ensanse yo.

Pwovèb 18:12

Avan destriksyon, kè yon nonm plen ògèy; men imilite ale devan onè.

Pwovèb 1:22

“Jiskilè, O moun san bon konprann yo, nou va renmen rete san konprann anyen? Pou mokè yo rejwi yo nan moke moun e moun san konprann yo rayi konesans?

Matye 2:16

Lè Hérode te vin wè ke li te twonpe pa mesye saj yo, li te vin anraje. Konsa, li te voye touye tout ti gason mwens ke de zan nan tout anviwon Bethléem nan, selon tan li te vin konprann pa mesye saj yo.

Jeremi 48:29

“Nou konn tande afè ògèy Moab la. Li vrèman ògeye nan ensolans li, ògèy li, awogans kè li, ak leve pwòp tèt li byen wo.

Ezayi 16:6

Nou konn tande afè ògèy Moab la, yon ògèy ki depase; afè awogans li an, ògèy li a, ak gwo kòlè li a. Pawòl anfle ògèy li pa anyen.

Pwovèb 16:18

Ògèy ale devan destriksyon e yon lespri ògèy devan moun kap tonbe.

Pwovèb 6:17

Zye ògeye, yon lang k ap bay manti, avèk men ki vèse san inosan,

Pwovèb 3:34

Li moke moun k ap moke, men Li bay gras a sila ki aflije yo.

Pwovèb 24:9

Fòmante foli se peche, e mokè a abominab a tout moun.

Ezayi 29:20

Paske moun san pitye yo va rive nan fen yo, e mokè yo va disparèt. Anverite, tout moun ak lentansyon fè mal, va vin koupe retire nèt—

Abakik 2:5

Anplis, diven devwale yon moun ògeye, ki pa rete lakay li. L ap ogmante apeti li tankou Sejou mò a. Epi konsa, li menm, tankou lanmò a, pa kapab satisfè. Li rasanble a li menm tout nasyon yo, e li ranmase tout pèp yo a li menm.