Pwovèb 20:3 - Bib Sen An: Kreyòl Ayisyen

³ Rete lwen konfli ak rayisman, e ou va gen respe; alò, nenpòt moun ensanse ka fè yon kont.

1998 Haïtienne

³ Se bèl bagay lè yon moun evite diskisyon. Moun san konprann toujou ap chache kont.

Pwovèb 20:3 Referans Kwoze

Jenèz 13:7

Epi te gen konfli antre bèje bèt Abram, ak bèje bèt Lot yo. Epi te gen Kanaaneyen yo avèk Ferezyen yo ki te rete nan peyi a.

Jenèz 13:8

Alò, Abram te di a Lot: “Silvouplè, pa kite gen konfli antre ou avèk mwen, ni antre bèje pa m ak bèje pa w, paske se frè nou ye.

2 Wa 14:9

Joas, wa Israël la, te voye kote Amatsia, wa Juda a, e te di: “Bwa pikan ki te Liban an te voye kote sèd ki te Liban an, e li te di: ‘Bay fi ou an maryaj a fis mwen an.’ Men te pase pa la yon bèt sovaj ki te Liban, e li te kraze bwa pikan an anba pye l.

Pwovèb 14:17

Yon nonm kolerik aji nan foli, e yon nonm kokèn va rayi pa lòt yo.

Pwovèb 14:29

Sila ki lan nan kòlè a, gen gwo konprann; men sila ki fè fache vit, leve foli byen wo.

Pwovèb 16:32

Sila ki lan nan kòlè a pi bon pase pwisan yo; e sila ki gouvène lespri li a pi bon pase sila kap kaptire yon gran vil.

Pwovèb 17:14

Kòmansman a konfli se tankou pete gwo baryè dlo; konsa, kite kont la avan l kòmanse.

Pwovèb 18:6

Lèv a yon moun ensanse mennen konfli; bouch li ap mande kou.

Pwovèb 19:11

Yon nonm ak bon konprann lan nan kòlè; se glwa li pou bliye yon transgresyon.

Pwovèb 21:24

Ògèy, Monte Tèt Wo, Mokè; men tit a sila ki aji nan ògèy ak ensolans yo.

Pwovèb 26:17

Tankou yon moun ki pran yon chen pa zòrèy, se konsa sila k ap pase pa aza a, pou l gaye nan goumen ki pa apatyen a li menm nan.

Efezyen 4:32

Sèvi dousè a youn lòt, avèk bon kè, k ap padone youn lòt jis jan ke Bondye nan Kris la te osi padone nou an.

Jak 3:14

Men si nou gen jalouzi, fachez ak anbisyon pèsonèl nan kè nou, pa vin awogan, epi bay manti kont verite a.

Jak 4:1

Kisa ki sous kont ak konfli pami nou yo? Èske se pa plezi nou yo k ap fè lagè nan manm kò nou yo?