Pwovèb 19:6 - Bib Sen An: Kreyòl Ayisyen

⁶ Anpil moun va chache favè a yon moun jenere ak men ouvri; tout moun se zanmi a sila ki bay kado.

1998 Haïtienne

⁶ Anpil moun ap achte figi grannèg. Tout moun vle zanmi moun k'ap bay favè.

Pwovèb 19:6 Referans Kwoze

Jenèz 32:20

Ou va di: ‘Gade, men sèvitè ou Jacob dèyè nou an tou.’ Paske li te di: ‘Mwen va satisfè li avèk kado ki ale devan m yo. E apre, mwen va wè figi li. Petèt li kapab aksepte mwen.’”

Jenèz 42:6

Alò, Joseph te an pouvwa nan peyi a. Se te li menm ki te vann a tout pèp nan peyi a. Epi frè a Joseph yo te vin bese ba devan li avèk figi yo atè.

Jenèz 43:15

Alò, mesye yo te pran kado sila yo, e yo te pran doub lajan nan men yo avèk Benjamin. Konsa, yo te leve desann an Égypte, e yo te kanpe devan Joseph.

Sòm 45:12

Fi Tyr la va vini avèk yon kado. Moun gwo riches pami pèp yo k ap chache favè ou.

Pwovèb 16:15

Nan vizaj a yon wa briye lavi; e favè li se tankou yon nwaj avèk lapli prentan.

Pwovèb 17:8

Vèse kòb anba tab se tankou wanga pou mèt li; nenpòt kote li vire, li byen reyisi.

Pwovèb 18:16

Don a yon nonm fè kont espas pou li, e mennen li devan moun enpòtan.

Pwovèb 19:12

Kòlè a wa a se tankou yon lyon k ap rele fò; men favè li se tankou lawouze sou zèb vèt.

Pwovèb 21:14

Yon kado vèse an sekrè kalme fachez, e yon anba tab ki glise rive, bese gwo kòlè.

Pwovèb 29:26

Gen anpil moun k ap chache favè a sila ki gouvène a; men lajistis pou lòm va sòti nan SENYÈ a.

Matye 2:11

Yo te ale nan kay la e te wè Pitit la avèk Marie, manman Li. Yo te pwostène devan Li pou te adore L. Yo te ouvri trezò yo e te prezante L kòm kado, lò, lansan, ak lami.

Women 6:23

Paske salè a peche se lanmò, men kado gratis Bondye a, se lavi etènèl nan Jésus Kri, Senyè nou an.