Pwovèb 17:8 - Bib Sen An: Kreyòl Ayisyen

⁸ Vèse kòb anba tab se tankou wanga pou mèt li; nenpòt kote li vire, li byen reyisi.

1998 Haïtienne

⁸ Moun ki sèvi ak lajan pou pran tèt moun konprann lajan se w'anga. Yo kwè se pou yo reyisi nan tou sa y'ap fè.

Pwovèb 17:8 Referans Kwoze

Jenèz 32:14

De-san kabrit femèl, ven kabrit mal, de-san femèl mouton, ak ven mal,

Jenèz 32:21

Epi kado a te pase devan li, e li menm te pase nwit lan menm kote li te fè kan an.

Jenèz 43:11

Alò, papa yo, Israël te di yo: “Si sa oblije fèt, alò, fè l konsa: Pran kèk nan pi bèl pwodwi peyi a nan sak nou, pou pote desann vè nonm nan kòm kado; yon ti lwil, yon ti siwo myèl, yon ti gòm santi bon, myrr, grenn pistach fen avèk grenn zanmann.

Sòm 18:16

Li te voye soti an wo. Li te pran m. Li te rale mwen sòti nan pil dlo yo.

Sòm 19:6

Li leve soti nan yon pwent syèl, pou fè wonn li rive jis nan lòt pwent lan. Anyen pa chape devan chalè li.

Sòm 21:13

Ke Ou leve wo, O SENYÈ, ak tout fòs Ou! Nou va chante e bay lwanj a pwisans Ou.

Sòm 29:4

Vwa SENYÈ a gen gwo fòs. Vwa SENYÈ a ranpli ak majeste.

Egzòd 23:8

Ou pa pou pran lajan anba tab, paske kòb anba tab ap avegle sila ki wè klè yo, e konwonpi kòz sila ki jis yo.

Pwovèb 17:23

Yon nonm mechan an resevwa kòb anba tab an sekrè; pou l tòde chemen lajistis.

Pwovèb 18:16

Don a yon nonm fè kont espas pou li, e mennen li devan moun enpòtan.

Pwovèb 21:14

Yon kado vèse an sekrè kalme fachez, e yon anba tab ki glise rive, bese gwo kòlè.

Eklezyas 7:7

Paske chantay ka fè yon nonm saj vin fou, e lajan anba tab fè kè vin konwonpi.

Ezayi 1:23

Chèf ou yo se rebèl yo ye k ap fè zanmi parèy ak volè. Se yo tout ki renmen resevwa anba tab ak kouri dèyè benifis. Yo pa defann òfelen an, ni ka a vèv la pa rive devan yo.

Amòs 5:12

Paske Mwen konnen transgresyon nou yo vin anpil e peche nou yo vin gran; nou menm ki boulvèse moun dwat yo, ki aksepte tout sa ki glise anba tab yo, e ki detounen malere a nan pòtay la.

Miche 7:3

Toude men yo sou sa ki mal la pou fè l byen. Prens lan mande, e jij la prè pou yon glise anba tab. Yon nonm pwisan prezante tout mechanste ke nanm li bezwen. Konsa yo trese l pou fè l vin yon sèl.

Detewonòm 16:19

Nou p ap tòde jistis la. Nou p ap fè patipri, e nou p ap pran anyen anba tab; paske afè anba tab avegle zye a saj yo, e pèvèti pawòl a sila ki dwat yo.

1 Samyèl 25:35

Konsa David te resevwa nan men li sa ke li te pote pou li a. Epi li te di li: “Ale lakay ou anpè. Gade, mwen te koute ou e te bay ou demann pa ou a.”