Pwovèb 16:5 - Bib Sen An: Kreyòl Ayisyen

⁵ Tout sila ki gen kè ògèy, abominab a SENYÈ a; anverite, li p ap chape anba pinisyon.

1998 Haïtienne

⁵ Senyè a pa ka sipòte moun k'ap gonfle lestonmak yo sou moun. Wè pa wè, l'ap fè yo peye sa.

Pwovèb 16:5 Referans Kwoze

Jòb 40:12

Fè rega sou tout sila ki gen ògèy yo, e fè yo bese, vin ba. Foule mechan yo nèt kote yo kanpe.

Egzòd 20:7

“Ou pa pou pran non SENYÈ a an ven, paske SENYÈ a p ap kite sila a ki mal sèvi ak non Li an san pinisyon.”

Pwovèb 11:21

Anverite, moun mechan an p ap chape anba pinisyon; men desandan a moun dwat yo va delivre.

Pwovèb 16:4

SENYÈ a te fè tout bagay pou pwòp sèvis li; menm mechan yo pou jou jijman an.

Pwovèb 16:6

Pa lanmou dous avèk verite, inikite lave; e pa lakrent SENYÈ a moun chape anba mal.

Pwovèb 6:29

Se konsa li ye ak yon nonm ki antre nan madanm vwazen li. Nenpòt moun ki manyen l p ap sòti san pinisyon.

Pwovèb 8:13

Lakrent SENYÈ a se pou rayi mal, ansanm ak ògèy, awogans, ak yon bouch pevès.

Ezayi 2:11

Ògèy a lòm va vin bese e wotè a lòm va vin imilye. E nan jou sa a se sèl SENYÈ a k ap egzalte.

Ezayi 2:12

Paske SENYÈ dèzame yo va gen yon jou jijman kont nenpòt moun ki ògeye, e ki awogan; nenpòt moun ki leve tèt li wo va bese li.

Ezayi 3:11

Malè a mechan an! Sa prale mal pou li. Paske sa li merite a, se sa k ap rive li.

Jeremi 13:15

Koute e prete atansyon ak sa. Pa fè ògèy, paske SENYÈ a fin pale.

Jak 4:6

Men Li bay yon pi gwo gras. Konsa, li di: “Bondye opoze a ògeye yo, men Li fè gras a moun ki enb yo.”