Pwovèb 16:21 - Bib Sen An: Kreyòl Ayisyen

²¹ Moun saj nan kè va rekonèt kon moun bon konprann; e dousè nan pale va ogmante kapasite konvenk moun.

1998 Haïtienne

²¹ Lè yon moun gen bon konprann, yo di li gen lespri. Lè ou byen pale, sa fè ou gen plis konesans.

Pwovèb 16:21 Referans Kwoze

1 Wa 3:12

vwala, Mwen te fè selon pawòl ou yo. Veye byen, Mwen te ba ou yon kè avèk konprann ak sajès, jiskaske nanpwen moun tankou ou ni avan ou, ni p ap genyen yon moun tankou ou k ap vini apre ou.

Sòm 45:2

Ou pi bo pase tout lòt nan fis a lòm yo. Lagras debòde sou lèv ou. Pou sa, Bondye te beni ou jis pou tout tan.

Pwovèb 10:13

Sou lèv a moun ki konn disène, nou twouve sajès; men gen baton pou do a sila ki manke konprann nan.

Pwovèb 10:23

Fè mal se tankou fè spò pou moun san konprann nan; e se konsa sajès la ye pou moun entèlijan an.

Pwovèb 10:8

Saj nan kè yo va resevwa lòd chèf la; men yon moun fou ki pale anpil ap pèdi.

Pwovèb 15:7

Lèv a moun saj yo gaye konesans; men se pa konsa ak kè moun ensansib yo.

Pwovèb 16:22

Bon konprann se yon fontèn dlo lavi pou sila ki genyen l; men pou disipline moun ensanse yo se foli.

Pwovèb 23:15

Fis mwen an, si kè ou saj, pwòp kè m va kontan tou.

Pwovèb 27:9

Lwil ak pafen fè kè kontan; se konsa konsèy a yon nonm dous pou zanmi li.

Eklezyas 12:10

Predikatè a te chache jwenn bèl mò pou ekri pawòl verite yo byen kòrèk.

Ezayi 50:4

Senyè a te ban Mwen lang a sa yo ki enstwi yo, pou M ka konnen jan pou bay pawòl soutyen a sila ki fatige. Li fè M leve maten apre maten, Li fè zòrèy Mwen leve pou koute kon yon disip.

Oze 14:9

Nenpòt moun ki saj, kite li konprann bagay sa yo; Sila ki pridan an, kite li konnen yo. Paske, chemen a SENYÈ yo dwat, e moun ladwati a va mache ladan yo; men transgresè yo va glise tonbe nan yo.

Matye 11:25

Nan lè sa a, Jésus te reponn. Li te di: “Mwen bay Ou glwa, O Papa, Senyè syèl la ak tè a, ke Ou kache bagay sa yo pou saj avèk entèlijan yo pa wè, e Ou te montre yo menm a zanfan yo.

Lik 4:22

Epi tout moun t ap pale byen de Li, e yo te etone akoz pawòl a gras ki ap tonbe soti nan lèv Li. Yo t ap di: “Se pa fis a Joseph la?”

Jan 7:46

Ofisye yo te reponn: “Janmen yon moun pa pale tankou moun sa a pale.”

Women 16:19

Paske rapò obeyisans nou an gen tan rive toupatou. Konsa mwen rejwi de nou, men mwen vle nou saj nan sa ki bon e inosan nan sa ki mal.

Jak 3:17

Men sajès ki sòti anwo a, dabò, li pafè, answit, li pezib, dous, rezonab, plen ak mizerikòd ak bon fwi, fèm e san ipokrizi.