Pwovèb 15:24 - Bib Sen An: Kreyòl Ayisyen

²⁴ Wout lavi a mennen moun saj la anwo, pou l kab evite Sejou mò k ap tann li anba a.

1998 Haïtienne

²⁴ Moun ki gen konprann, se yon chemen moute y'ap swiv, chemen lavi a. Yo pa pran chemen desann, chemen lanmò a.

Pwovèb 15:24 Referans Kwoze

Sòm 16:11

Ou va fè m rekonèt chemen lavi a. Nan prezans Ou, se lajwa ki an abondans nèt. Nan men dwat Ou, se plezi ki dire jis pou tout tan.

Filipyen 3:20

Paske pou nou menm sitwayènte nou se nan syèl la. E soti nan li menm, n ap tann ak enpasyans yon Sovè, Senyè a, Jésus Kri,

Jan 14:6

Jésus te di li: “Mwen se chemen, verite ak lavi a. Pèsòn p ap vini nan Papa a, sof ke pa Mwen.

Matye 7:14

Paske pòt etwat la, e chemen piti ki mennen a lavi a. Ni pa gen anpil moun k ap twouve l.

Jeremi 21:8

“Anplis, Ou va di a pèp sa a: ‘Konsa pale SENYÈ a: “Gade byen, Mwen mete devan nou chemen lavi ak chemen lanmò.

Pwovèb 23:14

Ou va frape li ak baton pou delivre nanm li de sejou mò yo.

Pwovèb 7:27

Lakay li nan wout Sejou mò yo, k ap desann nan chanm lanmò yo.

Pwovèb 6:23

Paske kòmandman an se yon lanp, e enstriksyon li se limyè. Konsa, repwòch ki disipline a se chemen lavi a

Pwovèb 5:5

Pye li yo desann vè lanmò e pa li yo kenbe fèm nan chemen Sejou mò yo.

Pwovèb 2:18

paske lakay li mennen a lanmò e tras a pla pye li yo rive kote mò yo.

Pwovèb 9:8

Pa repwoche yon mokè, sinon li va rayi ou; repwoche yon nonm saj e li va renmen ou.

Sòm 139:24

Konsa, wè si gen okenn move chemen nan mwen e mennen mwen nan chemen etènèl la.

Detewonòm 32:22

Paske yon dife vin limen nan chalè Mwen, ki brile jis rive nan pati pi fon nan sejou lanmò yo. Li manje latè a avèk tout don li yo, e limen dife a nan fondasyon mòn yo.

Pwovèb 4:18

Men pa a moun dwat yo se tankou limyè granmmaten ki briye pi fò e pi fò jiskaske li vin fè jou nèt.