Pwovèb 14:6 - Bib Sen An: Kreyòl Ayisyen

⁶ Yon mokè chache sajès, e li pa jwenn anyen; men konesans fasil pou sila ki gen bon konprann nan.

1998 Haïtienne

⁶ Moun ki gen lògèy plen kè yo, yo mèt chache konesans, yo p'ap janm jwenn li. Men, pou moun ki gen lespri, se bagay fasil.

Pwovèb 14:6 Referans Kwoze

Jak 1:5

Men si nenpòt nan nou manke sajès, kite li mande Bondye, ki bay tout moun avèk jenewozite e san repwòch, e Bondye va bay li.

1 Korent 8:2

Si yon moun sipoze ke li konnen yon bagay, li poko konnen jan li dwe konnen an.

Pwovèb 8:9

Yo byen dwat pou sila ki konprann nan, e kòrèk pou sila ki jwenn konesans lan.

Jeremi 8:9

Mesye saj yo vin wont, yo vin deranje e sezi. Gade byen, yo te rejte pawòl SENYÈ la. Ki kalite sajès ka rete nan yo?

Ezayi 8:20

Vire kote lalwa ak akò la! Si yo pa pale selon pawòl sa a, se akoz ke yo pa gen granmaten k ap vini.

Pwovèb 26:12

Èske ou wè yon moun ki saj nan pwòp zye li? Gen plis espwa pou moun fou pase li menm.

Pwovèb 18:2

Yon moun ensanse pa pran plezi nan bon konprann; men sèlman nan devwale pwòp panse li.

Pwovèb 17:24

Sajès se devan fas a sila ki gen bon konprann nan; men zye a moun ensanse yo chache jis rive nan tout pwent latè.

Sòm 119:18

Ouvri zye m pou m kab wè bèl bagay nan lalwa Ou yo.

Pwovèb 1:5

Yon nonm saj va tande, va grandi nan konesans li e yon nonm bon konprann va twouve konsèy ki saj,

Pwovèb 14:5

Yon temwen fidèl p ap bay manti; men yon fo temwen pale manti.

Pwovèb 14:7

Kite prezans a yon moun ensanse, sinon ou p ap rekonèt pawòl a saj yo.

Pwovèb 24:7

Sajès twò wo pou moun ensanse a; li pa ouvri bouch li nan pòtay la.

Pwovèb 8:8

Tout pawòl a bouch mwen yo dwat; nanpwen anyen kwochi oswa pèvès ladann yo.

Pwovèb 15:12

Sila ki moke a pa renmen sila ki fè l repwòch la; li pa janm ale kote moun saj.

Pwovèb 17:16

Poukisa gen kòb nan men moun ensanse a pou l achte sajès, konsi, li pa konprann anyen?