Pwovèb 13:6 - Bib Sen An: Kreyòl Ayisyen

⁶ Ladwati se yon pwotèj pou sila ki san fot la; men mechanste fè pechè a vin souye nèt.

1998 Haïtienne

⁶ Lè ou toujou fè sa ki byen, lajistis ap pwoteje ou. Men, peche lakòz mechan yo disparèt.

Pwovèb 13:6 Referans Kwoze

1 Wa 1:52

Salomon te di: “Si li se yon moun onèt, nanpwen menm youn nan cheve li k ap tonbe atè, men si se mechanste ki twouve nan li, li va mouri.”

1 Wa 13:34

Evenman sa a te devni peche lakay Jéroboam, jis menm pou ta detwi kay li e fè l disparèt sou fas tè a.

2 Kwonik 28:23

Paske li te fè sakrifis a lòt dye Damas yo ki te bat li yo. Li te di: “Akoz dye a wa Syrie yo te ede yo, mwen va fè sakrifis de yo pou yo kab ede mwen.” Men yo te koze chit li avèk tout Israël.

Sòm 119:1

A la beni se sila ak chemen ki san fot yo, ki mache nan lalwa SENYÈ a.

Sòm 140:11

Sila ki bay kout lang yo pap vin etabli sou latè. Mal la va kouri vit dèyè moun vyolans lan.

Sòm 15:2

Sila ki mache nan entegrite a e ki fè zèv ladwati yo; li ki pale verite a nan kè li a;

Sòm 25:21

Kite entegrite avèk ladwati pwoteje mwen, paske se Ou m ap tann.

Sòm 26:1

Fè m jistis, O SENYÈ, paske mwen te mache nan entegrite mwen. Mwen te mete konfyans mwen nan SENYÈ a san varye.

Pwovèb 10:29

Chemen Bondye a se yon sitadèl pou moun dwat yo; men destriksyon nèt pou tout ouvriye inikite yo.

Pwovèb 11:20

Sila ki pèvès nan kè yo abominab a SENYÈ a; men sila ki san tò nan chemen yo, se plezi Li.

Pwovèb 11:3

Entegrite a moun dwat la va gide yo; men koripsyon a sila ki fè konplo a va detwi yo.

Pwovèb 21:12

Lè sila ki dwat, pran an konsiderasyon kay mechan an, afè mechan an vin detwi nèt.

Pwovèb 5:22

Pwòp inikite a mechan an va kaptire li. Li va kole nan kòd a pwòp peche pa li.