Pwovèb 13:22 - Bib Sen An: Kreyòl Ayisyen

²² Yon bon moun va lese eritaj pou pitit pitit li; men richès a pechè yo konsève pou moun dwat yo.

1998 Haïtienne

²² Yon moun ki gen bon kè ap kite byen pou pitit pitit li. Men, richès moun k'ap fè sa ki mal, se moun ki mache dwat yo k'ap jwi li.

Pwovèb 13:22 Referans Kwoze

Esdras 9:12

Pou sa, pa bay fi nou yo a fis nou yo, ni pran fi pa yo pou fis pa nou, pa janm chache lapè yo ak pwosperite yo, pou nou kapab kenbe kouraj nou e manje bon bagay peyi a, e lese li kon yon eritaj a fis nou yo jis pou tout tan.’

Sòm 102:28

Pitit a sèvitè Ou yo va kontinye, e desandan pa yo va etabli devan Ou.”

Sòm 112:2

Desandan li yo va pwisan sou latè. Jenerasyon ladwati a va beni.

Sòm 128:6

Wi, pou ou ka wè pitit a pitit ou yo! Ke lapè rete sou Israël!

Sòm 37:25

Mwen te jèn e koulye a, mwen fin granmoun, men mwen poko wè moun dwat ki abandone, ni desandan li yo k ap mande pen.

Pwovèb 17:6

Pitit a pitit se kouwòn a granmoun, e glwa a fis yo se papa yo.

Pwovèb 28:8

Sila ki agrandi richès li avèk enterè sou lajan, ranmase li pou sila k ap fè gras a malere a.

Eklezyas 2:26

Paske a yon nonm ki bon nan zye Bondye, Li te bay sajès, konesans ak lajwa; men a pechè a, Li te bay tach ranmase ak rasanble pou li kab bay a sila ki bon nan zye Bondye a. Sa anplis se vanite ak kouri dèyè van.