Pwovèb 13:20 - Bib Sen An: Kreyòl Ayisyen

²⁰ Sila ki mache ak moun saj va vin saj; men bon zanmi a moun ensanse a va soufri.

1998 Haïtienne

²⁰ Fè zanmi ak moun ki gen konesans, ou menm tou w'a vin gen konesans. Fè zanmi ak moun ki san konprann, ou nan pwoblèm.

Pwovèb 13:20 Referans Kwoze

Pwovèb 15:31

Zòrèy k ap koute repwòch ap viv; zore ki koute koreksyon ap alèz pami saj yo.

Pwovèb 9:6

Kite foli ou pou ou ka viv; epi avanse nan chemen bon konprann nan.”

Revelasyon 18:4

Mwen te tande yon lòt vwa soti nan syèl la ki t ap di: “Sòti kite li, pèp mwen an, pou nou pa patisipe nan peche li yo e resevwa fleyo li yo.

Sòm 119:63

Mwen se zanmi parèy a tout sila ki gen lakrent Ou yo ak sila ki swiv règleman Ou yo.

Ebre 10:24

Epi annou konsidere jan pou nou kapab ankouraje youn lòt nan lanmou ak bon zèv.

Malachi 3:16

Answit, sila ki te gen lakrent SENYÈ yo te pale a youn lòt; konsa, SENYÈ a te prete zòrèy Li. Li te tande yo, e yon liv souvni te ekri devan Li pou sila ki te gen lakrent SENYÈ yo, e ki te bay gwo respè a non Li yo.

Travay 2:42

Yo te toujou dilijan nan swiv enstriksyon apòt yo ak nan amitye fratènèl, nan kase pen, ak lapriyè.

1 Wa 12:8

Men li te rejte konsèy ansyen yo te bay li a e li te konsilte avèk jennonm ki te elve ansanm avèk li pou te sèvi li a.

Pwovèb 7:27

Lakay li nan wout Sejou mò yo, k ap desann nan chanm lanmò yo.

1 Wa 12:10

Jennonm ki te elve ansanm avèk li yo te reponn li e te di: “Se konsa pou ou ta pale avèk pèp sa a ki te pale avèk ou a pou di: ‘Papa ou te fè jouk nou lou. Alò, ou menm, fè l vin pi lejè pou nou.’ Konsa, ou va di yo: ‘Ti dwèt pi piti mwen an pi gwo ke senti papa mwen!

2 Kwonik 19:2

Jéhu, fis a Hanani a, konseye a, te sòti pou rankontre li, e te di a Wa Josaphat: “Èske ou ta dwe ede mechan yo, e renmen sila ki rayi SENYÈ yo, e konsa, kite lakòlè SENYÈ a vini sou ou?

Jenèz 14:12

Anplis, yo te pran Lot, neve a Abram nan avèk tout byen li, e yo te pati, paske li t ap viv Sodome.

1 Wa 22:4

Epi li te di a Josaphat: “Èske ou va ale avèk mwen nan batay a Ramoth-Galaad la?” Josaphat te di a wa Israël la: “Mwen tankou ou menm, pèp mwen an tankou pèp pa w la, cheval mwen yo tankou cheval pa ou yo.”

1 Wa 22:32

Konsa, lè kapitèn a cha yo te wè Josaphat, yo te di: “Anverite, sa se wa Israël la,” epi yo te vire akote pou goumen kont li e Josaphat te kriye fò.

2 Kwonik 10:8

Men li te echwe konsèy ansyen yo te bay li yo, pou l te konsilte jennonm ki te grandi ansanm avè l e ki te kanpe devan l.

2 Kwonik 22:4

Li te fè mal nan zye SENYÈ a tankou Achab, paske yo te konseye li apre lanmò papa l, jiskaske sa te fin detwi li.

Pwovèb 13:19

Yon dezi ki realize se dous a nanm nan, men moun bèt pa vle kite mechanste.

Pwovèb 14:7

Kite prezans a yon moun ensanse, sinon ou p ap rekonèt pawòl a saj yo.

Pwovèb 22:24

Pa asosye ak yon nonm ki livre a kòlè; oswa ale ak yon moun kolerik,

Pwovèb 22:25

sinon, ou va aprann mès li yo e jwenn yon pèlen pou tèt ou.