Pwovèb 10:26 - Bib Sen An: Kreyòl Ayisyen

²⁶ Tankou vinèg anba dan ak lafimen nan zye; se konsa parese a ye pou sila ki voye li yo.

1998 Haïtienne

²⁶ Pa janm voye parese fè komisyon pou ou. L'ap ennève ou menm jan sitwon fè dan moun gasi, menm jan lafimen fè je moun koule dlo.

Pwovèb 10:26 Referans Kwoze

Pwovèb 26:6

Li koupe pwòp pye li, e bwè vyolans, ki voye yon mesaj pa men a moun ensanse a.

Pwovèb 25:13

Tankou fredi lanèj nan lè rekòlt, se konsa yon mesaje fidèl ye a sila ki voye l yo, paske li rafrechi nanm a mèt li yo.

Ebre 6:12

pou nou pa vin mou, men rete imitatè a sila ki, atravè lafwa ak tenasite, te vin eritye pwomès yo.

Matye 25:26

“Men mèt li te reponn li e te di: ‘Esklav malveyan e parese! Ou te konnen ke mwen rekòlte kote mwen pa plante, e ranmase kote mwen pa simen.

Pwovèb 25:20

Tankou yon moun ki retire rad li nan jou fredi, oswa tankou vinèg sou poud bikabonat, se konsa sila ki chante chan ak kè twouble yo ye.

Women 12:11

Pa fè bak nan dilijans, rete zele nan lespri nou, ak nan sèvis Senyè a,

Ezayi 65:5

Ki di: ‘Rete la, ou menm, pa pwoche mwen; mwen pi sen pase ou’! Sila yo se lafimen nan nen Mwen, yon dife ki brile tout lajounen.

Pwovèb 6:6

Ale kote foumi, o parese. Veye abitid li yo e vin saj!