Pwovèb 10:25 - Bib Sen An: Kreyòl Ayisyen

²⁵ Lè toubiyon an fin pase, mechan an vin disparèt; men moun dwat la gen yon fondasyon etènèl.

1998 Haïtienne

²⁵ Depi move tan pase, mechan yo disparèt lamenm. Men, moun k'ap mache dwat yo ap toujou kanpe fèm.

Pwovèb 10:25 Referans Kwoze

Jòb 17:9

Malgre, moun dwat la va kenbe chemen li e sila ki gen men pwòp yo va vin pi fò e pi fò.

Jòb 20:8

Li vole ale tankou yon rèv, e yo pa kab jwenn li. Menm tankou yon rèv lannwit, li fin chase ale.

Jòb 21:18

Èske se tankou pay nan van yo ye vrè, pay ke van pouse ale?

Sòm 125:1

Sila ki mete konfyans yo nan SENYÈ a tankou Mòn Sion, ki pa kab deplase, men ki dire jis pou tout tan.

Sòm 15:5

Li pa vèse bay lajan li avèk enterè, ni li pa aksepte yon kado anba tab kont inosan an. Sila ki fè bagay sa yo p ap janm ebranle.

Sòm 58:10

Moun ladwati a va rejwi lè l wè vanjans lan. Li va lave pye li nan san a mechan yo,

Sòm 58:9

Avan chodyè ou yo kab santi dife pikan yo, Li va bale yo fè yo disparèt nan van toubiyon; vèt ak sila kap brile yo, ansanm.

Pwovèb 1:27

lè gran laperèz nou rive tankou tanpèt e gwo dezas nou yo tankou toubiyon, lè gwo pwoblèm ak soufrans rive sou nou.

Pwovèb 10:30

Moun ladwati a p ap janm souke; men mechan yo p ap demere nan peyi a.

Pwovèb 12:3

Yon nonm p ap etabli ak mal la; men rasin moun dwat la p ap sòti menm.

Pwovèb 12:7

Mechan yo va boulvèse e vin disparèt; men kay a moun dwat yo va kanpe.

Ezayi 40:24

Apèn yo fin plante, apèn yo fin simen, apèn stòk yo fin pran rasin nan tè a, Li sèlman soufle sou yo, e yo fennen poutanpèt la pote yo ale tankou pay.

Matye 16:18

Epi Mwen di Ou ke ou menm, ou se Pierre e se sou wòch sa a M ap bati legliz Mwen an, e pòtay peyi mò yo p ap kapab venk li.

Efezyen 2:20

ki te bati sou fondasyon apot ak pwofèt yo, Kris Jésus Li menm kòm wòch la ki fòme ang prensipal la.

1 Timote 6:19

Konsa, y ap toujou ranmase nan pwòp depo yo trezò a yon bon fondasyon pou lavni, pou yo kapab kenbe fèm a sa ki se vrèman lavi a.

2 Timote 2:19

Malgre fondasyon Bondye a kanpe byen fèm, e li gen so sila a sou li: “Senyè a konnen sila ki pou Li yo”, epi: “Ke tout moun ki nonmen non Senyè a rete lwen mechanste.”