Nonb 9:20 - Bib Sen An: Kreyòl Ayisyen

²⁰ Si, pafwa nwaj la te rete kèk jou sou tabènak la, selon kòmand SENYÈ a, yo te rete nan kan an. Epi selon kòmand SENYÈ a, yo te vin pati.

1998 Haïtienne

²⁰ Gen de fwa nyaj la pat rete lontan anwo tant lan san deplase. Men, se te toujou konsa: se sou kòmandman Senyè a yo te leve pati, se sou kòmandman li tou yo te rete moute tant yo.

Nonb 9:20 Referans Kwoze

Sòm 48:14

Paske Bondye se Bondye pa nou an jis pou tout tan. Li va gide nou jiska lanmò.

Pwovèb 3:5

Mete konfyans nan SENYÈ a ak tout kè ou; pa apiye sou pwòp bon konprann pa w.

Pwovèb 3:6

Nan tout chemen ou yo rekonèt Li; konsa Li va fè pa ou yo vin dwat.

Nonb 10:13

Konsa, yo te derape pou premye fwa selon kòmandman SENYÈ a, selon Moïse.

Nonb 9:18

Sou kòmand a SENYÈ a, fis Israël yo te pati, e sou kòmand a SENYÈ a, yo te fè kan an. Tout tan ke nwaj la te poze sou tabènak la, yo te rete nan kan an.

Nonb 9:19

Menm lè nwaj la te fè reta sou tabènak la pandan anpil jou, fis Israël yo te kenbe lòd SENYÈ a. Yo pa t pati.

Nonb 9:21

Si, pafwa nwaj la te rete soti nan aswè pou jis rive nan maten, lè nwaj la te leve nan maten, yo te deplase; oswa, si li te rete nan lajounen ak lannwit, nenpòt lè ke nwaj la te leve a, yo te vin pati.

Detewonòm 7:21

Nou pa pou pè yo, paske SENYÈ a, Bondye nou an, nan mitan nou, yon gran Bondye ki mèvèye.